جنوبی افریقہ سیریز کے لیے ممکنہ کھلاڑیوں کا اعلان

Image caption پاکستانی کرکٹ ٹیم کا انتخاب جمعرات کو عمل میں آیا

پاکستان کرکٹ بورڈ نے جنوبی افریقہ کے خلاف ٹیسٹ سیریز کے لیے 28 ممکنہ کھلاڑیوں کے ناموں کا اعلان کردیا ہے۔

چیف سلیکٹر کے بغیر کام کرنے والی سلیکشن کمیٹی نے جمعرات کو ان ناموں کو حتمی شکل دی۔

سلیکشن کمیٹی نے جنوبی افریقہ کے خلاف سیریز کے لیے جن ممکنہ کھلاڑیوں کے ناموں کا اعلان کیا ہے ان میں مصباح الحق، شان مسعود، خرم منظور، صہیب مقصود، یونس خان، فیصل اقبال، عدنان اکمل، عبدالرحمن، عثمان قادر، جنید خان، راحت علی، وہاب ریاض، احمد شہزاد، محمد حفیظ، اظہرعلی، عمرامین، اسد شفیق، عمراکمل، سرفراز احمد، سعید اجمل، ذوالفقار بابر، یاسرشاہ، اعزازچیمہ، احسان عادل، احمد جمال، اکبرالرحمن، عمران خان اور محمد رضوان شامل ہیں۔

مصباح الحق کو سیٹھی کا اعتماد حاصل

دورۂ زمبابوے کے لیے پاکستانی ٹیم کا اعلان

کون کہتا ہے ٹیم میں نوجوان کرکٹرز نہیں؟

یہ تمام کھلاڑی تیس ستمبر سے قذافی سٹیڈیم لاہور میں شروع ہونے والے کیمپ میں شریک ہوں گے۔

پاکستان اور جنوبی افریقہ کے درمیان دو ٹیسٹ میچوں کی سیریز کا پہلا میچ چودہ اکتوبر سے ابوظہبی میں کھیلا جائے گا۔

تیئس سے ستائیس اکتوبر تک ہونے والے دوسرے ٹیسٹ میچ کی میزبانی دبئی کرے گا۔

ادھر پاکستان کرکٹ بورڈ کی سلیکشن کمیٹی نے جنوبی افریقہ کے خلاف سہ روزہ میچ کے لیے پندرہ رکنی پاکستان اے ٹیم کا اعلان بھی کیا۔

کرکٹ بورڈ کی سلیکشن کمیٹی نے عمر امین کو پاکستان کی اے ٹیم کا کپتان مقرر کیا ہے جبکہ دیگر کھلاڑیوں میں شان مسعود، احمد شہزاد، اظہرعلی، فیصل اقبال، اسد شفیق، احسان عادل، احمد جمال، اکبر الرحمن، عثمان قادر، یاسرشاہ، صہیب مقصود، اعزاز چیمہ، عمران خان اور محمد رضوان شامل ہیں۔

یہ سہ روزہ میچ آٹھ سے دس اکتوبر تک شارجہ میں کھیلا جائے گا۔

ایک ٹیم کے کپتان مصباح الحق اور دوسری ٹیم کے کپتان عمرامین ہوں گے۔

اسی بارے میں