ورلڈ ٹی20 : جنوبی افریقہ کے تین کھلاڑی آؤٹ

تصویر کے کاپی رائٹ AFP
Image caption نیوزی لینڈ اور جنوبی افریقہ کے درمیان گذشتہ 17 مقابلوں میں جنوبی افریقہ نے 13 میچ جیتے ہیں

بنگلہ دیش میں جاری ورلڈ ٹی ٹوئنٹی کے اٹھارویں ميچ میں جنوبی افریقہ کو نیوزی لینڈ کے خلاف تیسرے اوور میں ہی نقصان اٹھانا پڑا ہے۔

تفصیلی سکور کارڈ

14 اوور کے اختتام پر نیوزی لینڈ نے 4 وکٹوں کے نقصان پر 97 رنز سکور کیے۔

ڈوپلیسی کو 13 رنز پر سوتی کا شکار بنے جبکہ کوئینٹن ڈی کو کائل میلز نے 8 رنز پر آؤٹ کر دیا۔

اس وقت ہاشم آملہ 18 رنز پر کھیل رہے اور ان کا ساتھ دینے کے لیے اے بی ڈی ویلئیرز آئے ہیں۔

اس سے پہلے نیوزی لینڈ نے ٹاس جیت کر جنوبی افریقہ بیٹنگ کی دعوت دی تھی۔

یہ میچ ظہور احمد چوہدری سٹیڈیم چٹاگونگ میں کھیلا جا رہا ہے۔

نیوزی لینڈ اپنا پہلا میچ جیت کر زیادہ پر اعتماد ہے جبکہ جنوبی افریقہ اپنا پہلا ميچ سری لنکا سے ہار چکی ہے اور اس میچ میں مبصرین کے مطابق وہ جان کی بازی لگا دے گی تاکہ اس کی امیدیں ٹورنامنٹ میں برقرار رہے۔

ہر چند کہ نیوزی لینڈ نے جیت ڈک ورتھ لوئس کی بنیاد پر حاصل کی تھی تاہم اس کے کھلاڑی فارم میں تصور کیے جاتے ہیں جبکہ جنوبی افریقہ سب سے متوازن ٹیم شمار کی جاتی ہے۔

گذشتہ دنوں دونوں ٹیموں کے درمیان ہونے والے دو طرفہ مقابلوں میں جنوبی افریقہ کا پلڑا بھاری رہا ہے تاہم جنوبی افریقہ اس میچ میں دباؤ میں رہے گی۔

جنوبی افریقہ کے لیے کپتان فاف ڈوپلیسی کی انجری پریشان کن ہے۔ ان کا اس میچ میں بھی کھیلنا مشوک نظر آر ہا ہے۔

دوسری جانب نیوزی لینڈ دوسرا میچ جیت کر سیمی فائنل کے لیے اپنی دعویداری مستحکم کرنا چاہے گی اس لیے وہ اپنی پوری قوت کے ساتھ اس میچ میں اترے گی۔

میچ میں لوگوں کی نظریں جہاں ہاشم آملہ اور اے بی ڈی ویليئرز پر ہوں گي وہیں کپتان برینڈن میکلم اور راس ٹیلر بھی شائقین کی نظریں رہیں گے۔

اسی بارے میں