وین وال مانچسٹر یونائیٹڈ کے نئے کوچ مقرر

تصویر کے کاپی رائٹ Getty
Image caption وین گال اس وقت ہالینڈ فٹبال ٹیم کو برازیل میں ہونے والے فٹبال ورلڈکپ کی تیاری کروا رہے ہیں

مانچسٹر یونائیٹڈ فٹبال کلب نے لوئس وین وال کو کلب کا نیا کوچ جب کے کلب کے سابق کھلاڑی اور عبوری کوچ رائن گگز کو ان کا نائب مقرر کرنے کا اعلان کیا ہے۔

مانچسٹر یونائیٹڈ نے 62 سالہ لوئس وین وال کے ساتھ تین سال کا معاہدہ طے کیا ہے۔ وین وال اس سے پہلے ایجکاس، بارسلونا اور بائرن میونخ کے مینیجر کے فرائض انجام دے چکے ہیں۔

ہالینڈ کی فٹبال ٹیم کے کوچ وین وال نےگذشتہ ہفتے مانچسٹر یونائیٹڈ کے عبوری کوچ رائن گگز سے ملاقات کی تھی اور انھیں معاون کوچ کے طور پر اپنے ساتھ رہنے کی پیشکش کی۔

واضع رہے کے مانچسٹر یونائیٹڈ 1989 کے بعد پہلی بار انگلش فٹبال لیگ میں پوائنٹس ٹیبل پر ساتویں پوزیشن پر آیا ہے اور 1995 کے بعد پہلی بار چیمپیئنز لیگ کے اگلے سیزن کے لیے کوالیفائی نہیں کر پایا۔

27 سال سے مانچسٹر یونائیٹڈ کی کوچنگ کے فرائض سر انجام دینے والے سر ایلکس فرگوسن نے گذشتہ برس ریٹائرمنٹ کا اعلان کیا تھا جس کے بعد کلب کی انتظامیہ نے فرگوسن کی تجویز پر ایورٹن کلب کے مینیجر ڈیوڈ موئز کو کوچ مقرر کیا تھا۔

موئز کی سربراہی میں مانچسٹر یونائیٹڈ کی کارکردگی کو ماہرین نے کلب کی تاریخ کا بدترین دور قرار دیا ہے۔ موئز کو کلب کے حکام نے کچھ ہفتے قبل ناقص کارکردگی کی بنا پر برطرف کر دیا تھا۔

دوسری طرف کلب کے ایگزیکٹو چیئرمین نے ایڈ وڈورڈ نےگذشتہ ہفتے کہا تھا کہ چیمپیئنز لیگ میں حصہ نہ لینے کے باعث یونائیٹڈ کوتین کروڑ پاؤنڈ کا نقصان ہوگا تاہم ان کا کہنا تھا کہ کلب کی مالی حالت بہتر ہوتی نظر آ رہی ہے۔

انھوں نے مزید کہا کہ کلب کی تنخواہوں کے بجٹ میں بھی اضافہ ہوا ہے جس کی وجہ ہوائن ماٹا اور مارون فیلیانی کے ٹرانسفر اور عدنان جنوزاج اور نینی کے نئے معاہدے ہیں۔

ایڈ وڈورڈ کا کہنا تھا کہ ’کلب مالی لحاظ سے بہت بہتر پوزیشن میں ہے اور ہم نئے سکواڈ میں سرمایہ کاری کرنے کے لیے تیار ہیں‘۔

یاد رہے کہ وین گال اس وقت ہالینڈ فٹبال ٹیم کو برازیل میں ہونے والے فٹبال ورلڈکپ کی تیاری کروا رہے ہیں۔

اسی بارے میں