مانچسٹر ٹیسٹ میں بھارت کو اننگز کی شکست

تصویر کے کاپی رائٹ Reuters
Image caption پہلی اننگز کی طرح دوسری اننگز میں بھارت کا آغاز اچھا نہ تھا اور صرف 26 رنز کے مجموعی اس کی پہلی وکٹ گر گئی

مانچسٹر ٹیسٹ میچ کے تیسرے دن انگلینڈ نے بھارت کو ایک اننگز اور 54 رنز سے شکست دی کر پانچ ٹیسٹ میچوں کی سریز میں دو ایک کی برتری حاصل کر لی ہے۔

بھارت کی پوری ٹیم دوسری اننگز میں 161 رنز پر ڈھیر ہو گئی۔

میچ کا تفصیلی سکور کارڈ

بھارت کی جانب سےمورالی وجے اور گوتھم نے دوسری اننگز کا آغاز کیا۔

پہلی اننگز کی طرح دوسری اننگز میں بھارت کا آغاز اچھا نہ تھا اور صرف 26 رنز کے مجموعی اس کی پہلی وکٹ گر گئی۔

بھارت کے بلے باز انگلینڈ کے بولروں کی تباہ کن بولنگ کا مظاہرہ نہ کر سکے اور ان کی وکٹیں وقفے وقفے سے گرتی رہیں۔

بھارت کی جانب سے دوسری اننگز میں مورالی وجے 18، گوتھم گھمیبر 18، چیتشور پچارا 17، ویراٹ کوہلی7، اجنکا ریحانے ایک اور روندرا جڈیجا چار رنز بنا کر پویلین لوٹ گئے۔

انگلینڈ کی جانب سے دوسری اننگز میں معین علی نے چار، جیمز اینڈرسن اور کرس جارڈن نے دو دو کھلاڑیوں کو آؤٹ کیا۔

اس سے پہلے انگلینڈ نے 367 رنز نو کھلاڑی آؤٹ پر اپنی پہلی اننگز ڈکلئیر کر دی تھی۔

انگلینڈ کی جانب سے جوز بٹلر اور جو روٹ نے 237 رنز چھ کھلاڑی آؤٹ پر تیسرے دن کے کھیل کا آغاز کیا۔

انگلینڈ کی جانب سے پہلی اننگز میں جو روٹ نے 77 اور جوز بٹلر نے 70 رنز بنائے۔

بھارت کی جانب سے پہلی اننگز میں بھونیشور کمار نے اور ورون آرون نے تین تین جبکہ پنکج سنگھ نے دو کھلاڑیو کو آؤٹ کیا۔

اسی بارے میں