ہرارے: جنوبی افریقہ نے آسٹریلیا کو شکست دے دی

تصویر کے کاپی رائٹ AP
Image caption بھارت کی جانب سے اے بی ڈویلیئر نے11 چوکوں اور دو چھکوں کی مدد سے 136 رنز بنائے اور آؤٹ نہیں ہوئے

زمبابوے کے شہر ہرارے میں سہ ملکی کرکٹ ٹورنامنٹ کے پہلے میچ جنوبی افریقہ نے اے بی ڈویلیئر اور فاف ڈوپلیسی کی سنچریوں کی بدولت آسٹریلیا کو سات وکٹوں سے شکست دے دی۔

جنوبی افریقہ نے 328 رنز کا مطلوبہ ہدف 46.4 اوورز میں تین وکٹوں کے نقصان پر حاصل کر لیا۔

میچ کا تفصیلی سکور کارڈ

جنوبی افریقہ کی اننگز کی خاص بات اے بی ڈویلیئر اور فاف ڈوپلیسی کی شاندار سنچریاں تھیں۔

اے بی ڈویلیئر نے11 چوکوں اور دو چھکوں کی مدد سے 136 رنز بنائے اور آؤٹ نہیں ہوئے جبکہ فاف ڈوپلیسی نے 11 چوکوں اور ایک چھکے کی مدد سے 106 رنز بنائے۔

آسٹریلیا کی جانب سے مچل سٹارک نے دو جبکہ کین رچرڈسن نے ایک کھلاڑی کو آؤٹ کیا۔

اس سے پہلے آسٹریلیا نے مقررہ 50 اوورز میں سات وکٹوں کے نقصان پر 328 رنز بنائے۔

آسٹریلیا کی جانب فنچ نے نو چوکوں اور ایک چھکے کی مدد سے 102 جبکہ جارج بیلی نے تین چوکوں اور تین چھکوں کی مدد سے 66 رنز بنائے۔

جنوبی افریقہ کی جانب سے مورنی مورکل، میکلارن اور عمران طاہر نے دو دو کھلاڑیوں کو آؤٹ کیا۔

بدھ کو کھیلے جانے والے اس میچ میں جنوبی افریقہ نے ٹاس جیت کر آسٹریلیا کو بیٹنگ کی دعوت دی تھی۔

جنوبی افریقہ کے اے بی ڈویلیئر کو میچ کا بہترین کھلاڑی قرار دیا گیا۔

اسی بارے میں