کرکٹ ورلڈ کپ 2015 کے لیے بھارتی ٹیم کا اعلان

تصویر کے کاپی رائٹ AFP
Image caption بھارتی ٹیم دفاعی چیمپیئن ہے اور حال ہی میں آسٹریلیائی دورے کے دوران ہی ٹیم کے کپتان نے ٹیسٹ کرکٹ سے اچانک ریٹائرمنٹ کا اعلان کرکے کھیل کے شائقین کو چونکا دیا ہے

بھارتی کرکٹ کنٹرول بورڈ نے سنہ 2015 کے ورلڈ کپ کے لیے دفاعی چیمپیئن بھارت کی 15 رکنی ٹیم کا اعلان منگل کی سہ پہر کر دیا ہے۔

ٹیم کے کپتان کے طور پر مہندر سنگھ دھونی کے نام کا اعلان پہلے ہی کیا جا چکا تھا۔

ٹیم میں ان کے علاوہ مہندر سنگھ دھونی، شکیھر دھون، روہت شرما، اجنکیا رہانے، ویراٹ کوہلی، سوریش رائینا، امباتی رائیڈو، روِندر جڈیجہ، اکشر پٹیل، سٹوارٹ بنی، آر ایشون، امیش یادو، ایشانت شرما، بھونیشور کمار اور محمد شامی کو ٹیم میں شامل کیا گیا ہے۔

مہندر سنگھ دھونی کی کپتانی میں بھارت نے گذشتہ بار بھارت میں ہونے والے ورلڈ کپ میں جیت حاصل کی تھی۔

بھارتی ٹیم دفاعی چیمپیئن ہے اور حال ہی میں آسٹریلیا کے دورے کے دوران ہی ٹیم کے کپتان نے ٹیسٹ کرکٹ سے اچانک ریٹائرمنٹ کا اعلان کرکے کھیل کے شائقین کو چونکا دیا ہے۔

تصویر کے کاپی رائٹ BBC World Service
Image caption آئر لینڈ کی ٹیم میں کپتان کے علاوہ چار ایسے تجربہ کار کھلاڑی ہیں جو اپنا تیسرا ورلڈ کپ کھیل رہے ہیں

ماہرین کا خیال ہے کے سٹوارٹ بنی کے علاوہ تمام نام لوگوں کی نظر میں تھے۔ اکشر پٹیل نے گذشتہ آئی پی ایل میں اپنی کارکردگی سے سیلیکٹروں کی توجہ اپنی جانب مبذول کی اور ٹیم میں شامل کیے گئے۔

کرکٹ کے عالمی کپ کے آغاز میں اب 40 دن سے بھی کم وقت رہ گیا ہے اور اس میں شرکت کرنے والے ممالک اپنی اپنی ٹیموں کا اعلان کر رہے ہیں۔

سب سے پہلے بنگلہ دیش نے اپنی ٹیم کا اعلان کیا اور پھر اس کے بعد آئرلینڈ کی ٹیم نے بھی ورلڈ کپ کے لیے اپنی ٹیم کا اعلان کر دیا ہے۔

بنگلہ دیش نے فاسٹ بولر مشرفے مرتضیٰ کو کپتان بنایا ہے جبکہ آل راؤنڈر شکیب الحسن نائب کپتان ہوں گے۔

ان کے علاوہ ٹیم میں تمیم اقبال، امین الحق، مومن الحق، محمود اللہ ریاض، مشفق الرحیم (وکٹ کیپر)، ناصر حسین، تائج الاسلام، تسکین احمد، الامین حسین، روبیل حسین، سومیا سرکار، شبیر رحمان اور عرفات سنی شامل ہیں۔

آئر لینڈ کی ٹیم کا پیر کو اعلان کیا گیا اور آئرلیند کی ٹیم منتخب کرنے والے اراکین نے آسٹریلیا اور نیوزی لینڈ میں ہونے والے سنہ 2015 کے ورلڈ کپ کے لیے 15 رکنی ٹیم کا بھی اعلان کر دیا۔

تصویر کے کاپی رائٹ
Image caption او برائن برادران ٹیم کا اہم ستون تصور کیے جاتے ہیں

آ‏‏ئرلینڈ کی ٹیم اس طرح ہے:

ویلم پورٹرفیلڈ، اینڈریو بلبائرنی، پیٹر چیز، ایلیکس کوسیک، جارج ڈاکریل، ایڈ جوائس، اینڈریو میک برائن، جون مونی، ٹم مرٹاگھ، کیون او برائن، نیل او برائن، پال سٹرلنگ، سٹوارٹ تھامپسن، گرے ولسن اور کریگ ینگ۔

پول اے پول بی
انگلینڈ جنوبی افریقہ
آسٹرلیا بھارت
سری لنکا پاکستان
بنگلہ دیش ویسٹ انڈیز
نیوزی لینڈ زمبابوے
افغانستان آئر لینڈ
سکاٹ لینڈ متحدہ عرب امارات

اسی بارے میں