یاسر شاہ، سہیل خان کو سنٹرل کنٹریکٹ مل گیا

تصویر کے کاپی رائٹ AFP

پاکستان کرکٹ بورڈ نے کرکٹرز کو دیے گئے سینٹرل کنٹریکٹ میں عالمی کپ تک توسیع کردی ہے ساتھ ہی اس میں یاسر شاہ اور سہیل خان کا بھی اضافہ کردیا گیا ہے جنہیں ڈی کیٹگری دی گئی ہے۔

پاکستان کرکٹ بورڈ نے گزشتہ سال اکتیس کرکٹرز کو چار مختلف کیٹگریز میں سینٹرل کنٹریکٹ دیے تھے جن کی میعاد دسمبر میں ختم ہوگئی تھی تاہم اب کرکٹ بورڈ نے اس میں اس سال اکتیس مارچ تک کی توسیع کردی ہے ۔

سینٹرل کنٹریکٹ کا تعین کرنے والی کمیٹی میں ذاکرخان، معین خان، ہارون رشید اور وقاریونس شامل ہیں۔

تصویر کے کاپی رائٹ
Image caption جنید خان ان چھ کھلاڑیوں کی فہرست میں شامل ہیں جن کے پاس اے کیٹگری کنٹریکٹ ہے

سینٹرل کنٹریکٹ کی اے کیٹگری میں چھ کرکٹرز مصباح الحق۔ یونس خان۔ محمد حفیظ۔ سعید اجمل۔ شاہد آفریدی اور جنید خان شامل ہیں۔

بی کیٹگری میں احمد شہزاد، عمرگل اور عمراکمل موجود ہیں۔

سی کیٹگری میں اسد شفیق، اظہرعلی، عدنان اکمل، خرم منظور، ناصرجمشید اور عبدالرحمان شامل ہیں۔

اٹھارہ کرکٹرز ڈی کیٹگری میں ہیں جن میں صہیب مقصود، سرفراز احمد، بلاول بھٹی، شرجیل خان، ذوالفقاربابر، فوادعالم، احسان عادل، محمد عرفان، وہاب ریاض، رضاحسن، عمرامین، حارث سہیل، راحت علی، شان مسعود، محمد طلحہ، انور علی، یاسر شاہ اور سہیل خان شامل ہیں۔

اسی بارے میں