پاکستان کی عمدہ بیٹنگ، محمد حفیظ کی سنچری مکمل

تصویر کے کاپی رائٹ AFP
Image caption محمد حفیظ اور اظہر علی کی ناقابل شکست شراکت میں 177 رنز بنے

کھلنا ٹیسٹ میچ کے دوسرے دن کھیل کے اختتام تک پاکستان نے بنگلہ دیش کے پہلی ا ننگز میں332 رنز کےجواب میں پاکستان نے ایک وکٹ کے نقصان پر 227 رنز بنائے ہیں۔

اوپنر محمد حفیظ 136 رنز بنا کر کھیل رہے ہیں جبکہ ان کے ساتھ اظہر علی 63 رنز بنا کر وکٹ پر موجود ہیں۔ آؤٹ ہونے والے واحد کھلاڑی سمیع اسلم تھے جو 20 کے انفرادی سکور پر آؤٹ ہوئے۔

کھلنا ٹیسٹ میچ کے دوسرے دن کھانے کے وقفے کے بعد بنگلہ دیش کی پوری ٹیم پاکستان کے خلاف 332 رنز بنا کر آؤٹ ہو گئی ہے۔

میچ کا تفصیلی سکور کارڈ

تصویر کے کاپی رائٹ AFP
Image caption محمد حفیظ شاندار سنچری بنا کر وکٹ پر موجود ہیں

میچ کے دوسرے دن پاکستانی بولروں نے عمدہ بولنگ کا مظاہرہ کیا اور صرف 76 رنز کے عوض بنگلہ دیش کی چار وکٹیں حاصل کیں۔

میچ کے دوسرے دن پاکستان کو پہلی کامیابی اس وقت ملی جب 243 رنز کے مجموعی سکور پر شکیب الحسن 25 رنز بنا کر آؤٹ ہوئے۔

بنگلہ دیش کی چھٹی وکٹ اس وقت گری جب سومیا سرکار 33 رنز بنا کر آؤٹ ہوئے۔

بنگلہ دیش کے ساتوں آؤٹ ہونے والے کھلاڑی مشفق الرحیم تھے، وہ 32 رنز بنا کر آؤٹ ہوئے۔

312 رنز کے مجموعی سکور پر بنگلہ کو آٹھواں نقصان اس وقت اٹھانا پڑا جب تیج اسلام صرف ایک رن بنا کر آوٹ ہوئے۔

پاکستان کی جانب سے یاسر شاہ اور وہاب ریاض نے تین، تین جبکہ ذوالفقار بابر اور محمد حفیظ نے دو، دو کھلاڑیوں کو آؤٹ کیا۔

پاکستان کو ون ڈے سیریز میں کلین سوئپ اور واحد ٹی 20 میں ہرانے کے بعد بنگلہ دیشی ٹیم کے حوصلے بلند نظر آتے ہیں اور وہ 14 سال میں پہلی بار پاکستان کو ٹیسٹ میں ہرانے کے بارے میں سوچ رہی ہے۔

پاکستان اور بنگلہ دیش کے درمیان اب تک 14 ٹیسٹ میچ کھیلے جا چکے ہیں اور تمام کے تمام پاکستان نے جیتے ہیں۔

اسی بارے میں