لارڈز ٹیسٹ انگلینڈ کو 405 رنز سے شکست

تصویر کے کاپی رائٹ AP
Image caption جونسن نے ٹیسٹ میچ میں چھ وکٹیں حاصل کیں

لارڈز میں کھیلے جانے والے ایشز سیریز کے دوسرے ٹیسٹ میچ کے چوتھےدن آسٹریلیا نے انگلینڈ کو 405 رنز سے شکست دے کر پانچ میچوں کی سیریز ایک ایک سے برابر کر دی ہے۔

آسٹریلیا کی جانب سے دیے جانے والے 509 رنز کے تعاقب میں انگلینڈ کی بیٹنگ لائن بری طرح ناکام رہی اور ساری ٹیم 37 اوورز میں 103 رنز بنا کر آؤٹ ہو گئی۔

میچ کا تفصیلی سکور کارڈ

اس میچ میں آسٹریلیا نے 566 رنز آٹھ کھلاڑی آؤٹ پر اپنی پہلی اننگز ڈیکلیئر کر دی تھی۔جس کے جواب میں انگلینڈ کی پوری ٹیم اپنی پہلی اننگز میں 312 رنز پر آؤٹ ہو گئی۔

آسٹریلیا نے پہلی اننگز میں برتری کا فائدہ اٹھاتے ہوئے اپنی دوسری اننگز دو وکٹوں کے نقصان پر 254 رنز پر ڈکلیئر کرتے ہوئے انگلینڈ کو 509 رنز کا ہدف دیا۔

تصویر کے کاپی رائٹ AFP
Image caption مچل جانسن اب تک چھ وکٹیں حاصل کر چکے ہیں

میزبان ٹیم کی اننگز کا آغاز اچھا نہیں تھا اور 52 کے سکور پر اس کی پانچ وکٹیں گرگئی تھیں

انگلینڈ کی جانب سے سٹوارٹ براڈ 25 رنز بنا کر سب سے نمایاں بلے باز رہے۔ جبکہ دوسرا بڑا انفرادی سکور جو روٹ کا تھا جنھوں نے 17 رنز بنائے۔

آسٹریلیا کی جانب سے مچل جانسن نے 3 ، مچل سٹارک نے ایک اور لیون نے دو کھلاڑی آؤٹ کیے۔

آسٹریلیا کی پہلی اننگز میں کرس راجرز نے 173 اور سمتھ نے 215 رنز کی عمدہ اننگز کھیلی تھی

دوسری جانب انگلینڈ کی پہلی اننگز میں کوئی بھی بلے باز سنچری سکور نہیں کر سکا تھا۔کپتان ایلسٹر کک 96 رنز بنا کر سب سے کامیاب بلے باز رہے۔

اسی بارے میں