پالیکیلے: سری لنکا کا ویسٹ انڈیز کے خلاف کلین سوئپ

تصویر کے کاپی رائٹ Getty
Image caption سنیچر کو کھیلے جانے والے اس میچ میں سری لنکا نے ٹاس جیت کر ویسٹ انڈیز کو پہلے بیٹنگ کرنے کی دعوت دی تھی

پالیکیلے میں کھیلے جانے والے تیسرے ایک روزہ میچ میں سری لنکا نے ویسٹ انڈیز کو ڈک ورتھ لوئیس میتھڈ کے تحت 19 رنز سے شکست دے کر تین میچوں کی سیریز میں کلین سوئپ کر لیا۔

سری لنکا نے 162 رنز کا مطلوبہ ہدف پانچ وکٹوں کے نقصان پر 32.3 اوورز میں حاصل کر لیا۔

واضح رہے کہ بارش سے متاثر ہونے والے اس میچ کو 36 اوورز تک محدود کر دیا گیا تھا۔

میچ کا تفیصلی سکور کارڈ

سری لنکا کی جانب سے کوشل پریرا نے دو چوکوں اور دو چھکوں کی مدد سے 50 اور اینجلو میتھیوز نے ایک چوکے کی مدد سے 27 رنز بنائے۔

ویسٹ انڈیز کی جانب سے جیسن ہولڈر نے دو جبکہ رام پال اور جوناتھن کارٹر نے ایک ایک کھلاڑی کو آؤٹ کیا۔

اس سے پہلے ویسٹ انڈیز نے مقررہ 36 اوورز میں مارلن سیموئلز کی شاندار سنچری کی بدولت نو وکٹوں کے نقصان پر 206 رنز بنائے۔

ویسٹ انڈیز کی جانب سے مارلن سیموئلز نے 15 چوکوں اور ایک چھکے کی مدد سے 110 اور جیسن ہولڈر نے 19 رنز بنائے۔

مارلن سیموئل کے علاوہ ویسٹ انڈیز کے دیگر بیٹسمین نمایاں کارکردگی نہ مظاہرہ نہ کر سکے اور اس کے سات بیٹسمینوں کا سکور دوہرے ہندے میں نہ پہنچ سکا۔

سری لنکا کی جانب سے مالنگا، لکمال اور چمیرہ نے دو، دو کھلاڑیوں کو آؤٹ کیا۔

ویسٹ انڈیز کے مارلن سیموئلز کو میچ کا بہترین جبکہ سری لنکا کے کوشل پریرا کو سیریز کا کھلاڑی قرار دیا گیا۔