کوہلی کی عمدہ بیٹنگ، انڈیا سیمی فائنل میں

تصویر کے کاپی رائٹ AFP

آئی سی سی ورلڈ ٹی 20 کے سپر 10 مرحلے میں اتوار کو کھیلے گئے اہم میچ میں انڈیا نے آسٹریلیا کو شکست دے کر سیمی فائنل کے لیے کوالیفائی کر لیا ہے۔

آسٹریلیا نے انڈیا کو میچ جیتنے کے لیے 161 رنز کا ہدف دیا تھا جو اس نے وراٹ کوہلی کی شاندار اننگز کی بدولت آخری اوور میں چار وکٹوں کے نقصان پر حاصل کر لیا۔

وراٹ کوہلی نے ایک بار پھر ذمہ دارانہ بلے بازی کا مظاہر کرتے ہوئے نہ صرف اپنی نصف سنچری سکور کی بلکہ اپنی ٹیم کو جتوانے میں اہم کردار ادا کیا۔

تفصیلی سکور کارڈ
تصویر کے کاپی رائٹ Getty

کوہلی نے ناقابل شکست 82 رنز کی اننگز کھیلی جس میں نو چوکے اور دو چھکے شامل ہیں۔

19 ویں اوور میں وراٹ کوہلی نے چار چوکے لگائے اور اپنی ٹیم کی جیت یقینی بنا دی۔

کپتان مہندر سنگھ دھونی اور وراٹ کوہلی نے پانچویں وکٹ کی شراکت میں 31 گیندوں پر اہم 67 رنز بنائے۔

وراٹ کوہلی نے اننگز کے 18ویں اوور میں دو چوکے اور ایک چھکا لگایا جس کی مدد سے انڈیا نے اس اوور میں 19 رنز بنائے۔

شین واٹسن آسٹریلیا کے سب سے کامیاب بولر ثابت ہوئے۔ انھوں نے اپنے چار اوورں میں 23 رنز دے کر دو کھلاڑیوں کو آؤٹ کیا۔

تصویر کے کاپی رائٹ Getty
Image caption شکھر دھون 13 رنز ہی بنا سکے

یوراج سنگھ آؤٹ ہونے والے چوتھے بلے باز تھے جو 21 رنز بنا کر جیمز فالکنر کے ہاتھوں کیچ ہو گئے۔

شین واٹسن نے اپنے دوسرے اوور میں آسٹریلیا کو ایک اور کامیابی دلائی ہے۔ سریش رائنا دس رنز بنا کر شاٹ پچ گیند پر کیچ آؤٹ ہوئے۔

پاور پلے میں انڈیا نے 37 رنز بنائے اور اس دوران اس کے دو بلے باز آؤٹ ہوئے۔

تصویر کے کاپی رائٹ AFP

انڈین اننگز میں پاور پلے کا آخری اوور شین واٹسن نے کروایا اور صرف تین رنز دے کر انھوں نےروہت شرما کی اہم وکٹ حاصل کی۔

ناتھن کولٹرنائل نے چوتھے اوور میں شکھر دھون کو شاٹ گینڈ پر کیچ آؤٹ کیا۔ انھوں نے 13 رنز سکور کیے۔

تصویر کے کاپی رائٹ Getty
Image caption عثمان خواجہ آؤٹ ہونے والے پہلے بلے باز تھے

ٹاس جیت کر پہلے بیٹنگ کرتے ہوئے آسٹریلیا نے مقررہ 20 اوورز میں چھ وکٹوں کے نقصان پر 160 رنز بنائے۔

انڈیا کی جانب سے تمام بولرز نے اچھی بولنگ کا مظاہرہ کیا اور آسٹریلیا کو 160 رنز تک محدود رکھنے میں کامیاب رہے۔

اشیش نہرا، بھمرا، ایشون اور یوراج سنگھ نے ایک، ایک وکٹ حاصل کی جبکہ ہاردک پانڈیا نے دو کھلاڑیوں کو آؤٹ کیا۔

آسٹریلیا کی جانب سے ایرون فنچ نے سب سے زیادہ 43 رنز بنائے۔

تصویر کے کاپی رائٹ Getty

آسٹریلین اننگز کا آخری اوور پانڈیا کروانے آئے تو پہلی ا ہی گیند پر جیمز فالکنر دس رنز بنا کر کیچ دے بیٹھے۔

ابتدائی اووروں میں تیزی سے سکور کرنے کے بعد آسٹریلین بلے بازوں کے لیے رنز بنانا انتہائی مشکل رہا اور وقفے وقفے سے وکٹیں گرتی رہیں۔

بھمرا کی گیند پر میکسویل ایک اونچی شاٹ لگانے کی کوشش میں کلین بولڈ ہو گئے۔ انھوں نے 31 رنز بنائے۔

16ویں اوور میں کیکسویل نے ایک چھکا اور ایک چوکا لگایا اور جدیجہ کے اوور میں 15 رنز حاصل کیے۔

آسٹریلوی اننگز کا 13واں اوور ہاردک پانڈیا نے کروایا جس میں سات رنز بنے اور ایک وکٹ حاصل ہوئی۔ایرون فنچ 34 گیندوں پر 43 رنز بنا کر پانڈیا کی گیند پر آؤٹ ہوئے۔

تصویر کے کاپی رائٹ AFP
Image caption فنچ اور عثمان خواجہ نے آسٹریلیا کو 54 رنز کا آغاز فراہم کیا

انڈین سپن بولرز آسٹریلین بولرز کو تیزی کے ساتھ رنز بنانے سے روکنے میں کامیاب ہوئے ہیں۔ جبکہ دوسری جانب آسٹریلیا کی ابتدائی وکٹیں گرنے کے بعد سکور کرنا مشکل ہو رہا ہے۔

یوراج سنگھ اننگز کا دسواں اوور کروانے آئے تو ان کی پہلی ہی گیند پر سٹیون سمتھ دو رنز پر کیچ آؤٹ ہوگئے۔

ڈیوڈ وارنر ایشون کی گیند پر باہر نکل کر اونچی شاٹ لگانے کی کوشش میں چھ رنز بنا کر سٹمپ آؤٹ ہوگئے۔

انڈین بولرز پہلی وکٹ حاصل کرنے کے بعد کافی حد تک سکور روکنے میں کامیاب ہو گئے ہیں لیکن انھیں وکٹیں حاصل کرنے میں مشکل ہو رہی ہے۔

ٹی ٹوئنٹی مقابلے

آسٹریلیا کی ٹیم کا ریکارڈ

  • کھیلے 83

  • جیتے 41

  • ہارے 39

  • بے نتیجہ 1

  • برابر 2

بھمرا کا دوسرا اور اننگز کا چوتھا اوور انڈیا کے لیے بہتر رہا جس میں صرف چار رنز ہی بن سکے۔

اشیش نہرا نے اپنے تیسرے اوور میں انڈیا کو پہلی کامیابی دلائی۔ عثمان خواجہ جو جارحانہ انداز میں بلے بازی کر رہے تھے 26 رنز بنا کر آؤٹ ہوئے۔

تصویر کے کاپی رائٹ AP

عثمان خواجہ نے چوکا لگا کر اننگز کا آغاز کیا اور اس کے بعد اننگز کے دوسرے اور بھمرا کے پہلے ہی اوور میں چار چوکے لگا کر اپنے ارادے واضح کر دیے ہیں۔

ایرون فنچ اور عثمان خواجہ نے آسٹریلوی اننگز کا آغاز کیا اور پہلی وکٹ کی شراکت میں تیزی سے 54 رنز سکور کیے۔

آسٹریلیا اور انڈیا کی ٹیموں میں کوئی تبدیلی نہیں کی گئی ہے۔

ٹی ٹوئنٹی مقابلے

انڈیا کا ریکارڈ

  • 68 کھیلے

  • 41 جیتے

  • 25 ہارے

  • 1 برابر

  • 1 بے نتیجہ

اسی بارے میں