انڈیا پاکستان فضائی حملے

پاکستان اور انڈیا کے درمیان گذشتہ چند برسوں میں بڑھتی ہوئی کشیدگی کے بعد تعلقات میں سردمہری کی برف پگھلنے کے امکانات دکھائی دے رہے ہیں، اور اسی تناظر میں انڈیا کی برّی فوج کے سربراہ جنرل منوج مکند نراونے کا بیان سامنے آیا ہے جس میں انھوں نے سیز فائر کے حالیہ مشترکہ اعلامیے کے بارے میں خوشی کا اظہار کیا اور مستقبل کے بارے میں اچھی امید ظاہر کی۔

انڈیا کے زیر انتظام کشمیر میں سکیورٹی فورسز اور عسکریت پسندوں کے درمیان ایک طویل تصادم کے بعد جنوبی کشمیر میں شوپیان ضلع میں ایک محلہ خاکستر مکانوں اور جل کر کوئلہ ہونے والے مویشیوں کا ڈھیر معلوم ہوتا ہے۔ تین روز جاری رہنے والی اس جھڑپ میں پولیس کو مطلوب ایک عسکریت پسند ہلاک ہوا۔

انڈین فضائیہ کی جانب سے بالاکوٹ میں کی گئی حالیہ کاروائی کے بعد کئی ذہنوں میں سوال اٹھا کہ پاکستانی فضائیہ کے طیارے حرکت میں کیوں نہیں آئے۔ اِسی تناظر میں پاکستانی ایئرفورس کے سابق اہلکار ایئر مارشل مسعود اختر سے بات کی گئی۔

انڈین فضائیہ کے سربراہ کا دعویٰ ہے کہ پاکستان کے چینی ٹیکنالوجی کے ساتھ تیار کردہ جے ایف 17 لڑاکا طیارے معیار، قابلیت اور پرسیژن (ہدف کا درست نشانہ) کے معاملے میں انڈیا کے ہلکے تیجس لڑاکا طیارے کے سامنے ’کہیں کھڑے نہیں ہوسکتے۔‘

یہ طیارہ انڈیا کا پہلا دیسی ساختہ لڑاکا طیارہ ہے جس کے پچاس فیصد سے زیادہ حصےہ انڈیا میں تیار کیے جاتے ہیں اور اسے کثیر المقاصد لڑاکا طیارہ قرار دیا جا رہا ہے۔

پاکستان مسلم لیگ ن کے رہنما ایاز صادق کے بھارتی پائلٹ ابھینندن کی رہائی کے بارے میں قومی اسمبلی کے ایوان میں دیئے گئے بیان پر شروع ہونے والا تنازع شدت اختیار کرتا جا رہا ہے۔ پاکستانی فوج کے ترجمان میجر جنرل بابر افتخار نے کہا ہے کہ ’ایک ایسا بیان دیا گیا جس کے ذریعے قومی سلامتی سے منسلک ملکی تاریخ کو مسخ کرنے کی کوشش کی گئی۔‘

پاکستان کی برّی فوج کے سربراہ نے پاکستان ملٹری اکیڈیمی سے پاس آوٹ ہونے والے کیڈٹس سے خطاب کرتے ہوئے کہا ہے کہ دشمنوں نے اپنے عزائم میں ناکام ہونے کے بعد پاکستان کے خلاف ہائبرڈ جنگ چھیڑ رکھی ہے۔

رفال میں ایسی کیا خاص بات ہے جو کسی اور طیارے میں نہیں؟ بی بی سی نے اس حوالے سے کچھ حقائق جاننے کی کوشش کی ہے اور انڈیا اور پاکستان کی فضائیہ کے حکام کا نکتہ نظر بھی اس موازنے میں شامل کیا گیا ہے۔

منگل کی شب سوشل میڈیا سمیت انڈیا کے میڈیا پر ایسے خبریں گردش کرتی دکھائیں دی کہ انڈیا کی فضائیہ نے پاکستان کے فضائی حدود کی خلاف ورزی کرتے ہوئے کوئی کارروائی کرنے کی کوشش کی ہے جس کے نتیجہ میں پاکستان فضائیہ کے طیاروں نے ان کا تعاقب کیا اور انڈین پنجاب کی فضائی حدود میں کوئی جنگی ٹکراؤ ہوا ہے۔