نریندر مودی

وزیر اعظم عمران خان نے خط میں کہا ہے کہ پاکستانی عوام بھی انڈیا سمیت تمام پڑوسیوں کے ساتھ پرامن اور باہمی تعاون پر مبنی تعلقات چاہتے ہیں۔ سابق سیکریٹری خارجہ اعزاز احمد چوہدری نے بھی خطوط کے اس تبادلے کو خوش آئند قرار دیتے ہوئے یہ بھی کہا کہ کسی بھی مذاکرات میں پیش رفت صرف تب ہوتی ہے جب دونوں فریق ایک دوسرے کے بنیادی خدشات پر توجہ دیں۔ سینیٹر مشاہد حسین نے کہا کہ دونوں ممالک کے درمیان برف تو ضرور پگھلی ہے تاہم اسے 'بریک تھرو' نہیں کہا جا سکتا۔

بنگلہ دیش میں جمعے کو انڈین وزیر اعظم کے دورے کے خلاف مظاہرہ کرنے والے پانچ افراد کی ہلاکت کے بعد اتوار کو ملک گیر ہڑتال کا اعلان کیا گیا ہے، جبکہ فیس بک نے کہا ہے کہ بنگلہ دیش میں ان کی ویب سائٹ اور میسیجنگ ایپ جمعہ سے بند ہے۔

انڈین وزیر اعظم نریندر مودی بنگلہ دیش کے 50ویں یوم آزادی کے موقعے پر منعقد تقریب میں شرکت کے لیے ڈھاکہ گئے ہیں۔ ان کے اس دورے کے خلاف ملک میں مظاہرے ہوئے جن میں کم سے کم چار افراد ہلاک ہو گئے ہیں۔ بنگلہ دیش میں متعدد مسلم رہنما اور بائیں بازو کی تنظیمیں انڈین وزیر اعظم کے دورے کی مخالف ہیں۔

نریندر مودی کا عمران خان کے نام خط ایسے وقت میں آیا ہے جب دونوں ممالک کے درمیان جنگ بندی سمیت مثبت پیش رفت دیکھنے میں آ رہی ہے جسے تجزیہ کار خوش آئند قرار دے رہے ہیں۔ پاکستان کے وفاقی وزرا نے بھی اس کو خوش آئند کہا لیکن ساتھ میں یہ بھی کہا ہے کہ ’امن صرف اس صورت میں قائم ہو سکتا ہے اگر وہ برابری پر ہو۔‘

انڈین وزیراعظم مودی نے منگل کو انڈیا اور بنگلہ دیش کے درمیان ’میتری پل‘ یعنی دوستی پل کا افتتاح کیا ہے۔ پل کے افتتاح کے بعد بنگلہ دیش کی وزیر اعظم شیخ حسینہ واجد کا کہنا تھا کہ وہ خطے میں رابطوں کو مستحکم کرنے کے انڈیا کے عزم کی حمایت کرتی ہیں۔

امریکی صدر جو بائیڈن کی انتظامیہ کے ابتدائی پیغامات سے اس بات کی نشاندہی ہوتی ہے کہ انڈیا اور امریکہ کے تعلقات شاید مزید مضبوط ہوں گے لیکن کچھ ایسے حقائق بھی موجود ہیں جن کی وجہ سے دونوں ملکوں کے تعلقات کو ایک امتحان سے گزرنا پڑ سکتا ہے۔

حزب اختلاف کے راہنما راہل گاندھی کی جانب سے چین سے متعلق حکومت پر الزامات عائد کیے جانے کے بعد انڈین وزیر دفاع راج ناتھ سنگھ نے کہا ہے کہ انڈیا نے چین کو کوئی بھی علاقہ نہیں دیا ہے اور ابھی بھی کئی مسائل کے حل نکالے جا رہے ہیں۔

انڈین ریاست گجرات میں سیاسی جماعت بی جے پی کے سربراہ سی آر پاٹل نے اعلان کیا ہے کہ چند روز میں ہونے والے مقامی انتخابات میں 60 برس سے زیادہ عمر والے افراد، سیاسی رہنماؤں کے رشتہ دار اور جو لوگ ماضی میں کارپوریشن میں تین مرتبہ عہدوں پر رہ چکے ہیں، انھیں اس بار ٹکٹ نہیں دیا جائے گا اور وزیرا عظم نریندر مودی کے بھائی اس بات سے سخت ناراض ہیں۔

گذشتہ روز پیش آنے والے واقعات کے بعد بہت سے ذہنوں میں یہ سوالات سر اٹھا رہے ہیں کہ اس واقعے کے کسانوں کی زرعی قوانین کے خلاف دو ماہ سے جاری پُرامن تحریک پر کیا اثرات ہوں گے؟ کیا انڈین حکومت اب اس تحریک کو زبردستی روکے گی یا آنے والے دنوں میں یہ مزید شدت اختیار کرے گی؟