طالبان

طالبان کے قطر دفتر کے ایک رہنما کے مطابق ’طالبان بڑے سادہ لوگ ہیں، وہ سجمھتے تھے کہ پرویز مشرف نواز شریف سے زیادہ اچھے مسلمان اور تقویٰ دار ہوں گے، اسی لیے اُنھیں نواز شریف کے جانے اور مشرف کے آنے کی خوشی تھی۔‘

وہ افغان مترجم جنھوں نے امریکی صدر بائیڈن کو اس وقت بچایا تھا جب وہ بطور ایک سینیٹر افغانستان کا دورہ کر رہے تھے، اپنی فیملی کے ساتھ ملک سے نکلنے میں کامیاب ہو گئے ہیں۔

حالیہ کچھ ہفتوں میں طالبان نے قانونی جواز حاصل کرنے کے لیے اپنی سفارتی سرگرمیوں میں اضافہ کیا ہے۔ یہ سب کچھ ایسے وقت میں ہو رہا ہے جب دنیا بھر میں قائم حکومتیں اور اقوامِ متحدہ باضابطہ طور پر طالبان کی حکومت کو تسلیم کرنے سے انکاری یا ہچکچاہٹ کا شکار ہیں۔

پاکستان کے وزیراعظم عمران خان کو شدت پسند تنظیم تحریک طالبان پاکستان کو ’پشتون تحریک‘ کہنے پر شدید تنقید کا سامنا ہے اور پاکستان کے رکن قومی اسمبلی محسن داوڑ نے وزیراعظم پاکستان سے ’پشتونوں کے جذبات کو ٹھیس پہنچانے‘ پر معافی کا مطالبہ کیا ہے۔

امریکہ نے تصدیق کی ہے کہ طالبان کے نمائندوں کے ساتھ طے شدہ براہ راست مذاکرات افغانستان میں طالبان کی حکمرانی کو تسلیم کرنے کے مترادف نہیں ہیں۔

افغانستان کے صوبے پکتیا سے تعلق رکھنے والی فرشتہ ان بہت سی افغان خواتین میں شامل تھیں جنھوں گذشتہ برسوں میں پیشہ ورانہ کامیابیاں حاصل کیں اور افغانستان جیسے پدرشاہی سماج والے ملک میں مردوں کے تسلط اور قدامت پسند معاشرے کو اپنے بل بوتے پر چیلنج کیا۔ مگر اب ایسی خواتین کی زندگیاں یکسر بدل چکی ہیں۔

بی بی سی کی ایک تحقیق میں انکشاف کیا گیا ہے کہ افغانستان میں طالبان منظم طریقے سے ہزارہ اقلیت کے سینکڑوں لوگوں کو ان کے گھروں سے نکال باہر کر رہی ہے۔

کوئٹہ میں افغانستان کے قائم مقام قونصل جنرل عبدالخالق ایوبی کے مطابق اُنھیں ایسی اطلاعات آئی تھیں کہ افغان آرمی کے ایک کرنل سردار محمد ہوتک کو کوئٹہ شہر سے نامعلوم افراد نے اغوا کیا ہے، تاہم اُن کے مطابق کوئٹہ میں پاکستانی حکام نے اُنھیں بتایا کہ وہ 'اُن کے پاس نہیں ہیں'۔