کاروبار

کابل کے بُش بازار گئے تو وہاں پتا چلا کہ طالبان بھی شاپنگ کے لیے آئے ہوئے ہیں جو بظاہر امریکی دفاعی سامان کو معیاری ہونے کی وجہ سے پسند کرتے ہیں: پڑھیے کابل میں موجود بی بی سی کے ملک مدثر کی ڈائری۔

ماہرین کے مطابق ٹیکنالوجی کا استعمال ٹیکس اکٹھا کرنے میں ایک مفید ذریعہ ہے لیکن ملک میں ٹیکس کلچر کا فقدان بھی ایک بہت بڑا مسئلہ ہے۔ ایسے میں نادرا کا کیا کردار ہوسکتا ہے؟

بینکوں میں سونا گروی رکھوا کر اس کے عوض قرض لینا کوئی نئی بات نہیں ہے لیکن حال ہی میں بینکوں میں ہونے والی چوریوں نے اکثر افراد کے کان کھڑے کر دیے ہیں اور یہ سوال پوچھا جا رہا ہے کہ آخر بینکوں میں رکھا سونا کتنا محفوظ ہے۔

حکومت کے ترجمان فواد چوہدری نے ٹویوٹا پاکستان کی جانب سے گاڑیوں کی ریکارڈ فروخت کے اعلان پر تبصرہ کرتے ہوئے ’مہنگائی بہت ہے‘ کا ہیش ٹیگ طنزیہ انداز میں استعمال کیا جس کے بعد ان پر تنقید کی جا رہی ہے۔

نسان اور رینالٹ جیسی بڑی کار کمپنیوں کے سربراہ رہنے والے کارلوس غصن بتاتے ہیں کہ انھیں جاپان سے فرار ہونے کے لیے ٹوکیو کی گلیوں میں بھیس بدل کر سفر کرنا پڑا۔ ہمیشہ سوٹ میں دکھنے والے اس معروف شخص نے اپنی پہچان چھپانے کے لیے جینز اور جوگر جیسے سادہ کپڑے پہن رکھے تھے۔

پاکستان کے وفاقی وزیر برائے صعنت و پیداوار نے اپنی پریس کانفرنس میں اعلان کیا کہ نئی آٹو پالیسی کے تحت جہاں گاڑیوں کی صعنت کو فروغ دیا جائے گا وہیں کچھ ایسے اقدامات بھی اٹھائے گئے ہیں کہ گاڑیوں کی قیمتوں میں کمی لائی جائے اور حکومت چاہتی ہے کہ موٹر سائیکل پر سفر کرنے والے ترقی کر کے اپنی گاڑی کے مالک بن جائیں۔ تو کیا واقعی ایسا ممکن بھی ہے؟

جیف بیزوس اب ایمازون کی سربراہی چھوڑ چکے ہیں مگر ان کے ساتھ کام کرنے والوں نے اب بھی ان سے سیکھے سبق یاد کر رکھے ہیں۔ ان کے تکنیکی معاون کولن برائیر کے مطابق ایمازون میں منصوبہ بندی کی سطح پر ’سب سے پہلے ایک پریس ریلیز لکھی جاتی ہے، یہ وہ چیز ہے جو باقی کمپنیاں آخر میں کرتی ہیں۔‘

محققین کا کہنا ہے کہ آئس لینڈ میں چار روزہ ہفتہ 'بہت کامیاب' رہا ہے اور اب اس سے کئی ملکوں میں ملازمین اتنے ہی معاوضے پر کم گھنٹے کام کر سکیں گے۔

اسرائیل کے ساتھ تعلقات قائم ہونے کے بعد سے معاشی شراکت داری عروج پر پہنچی ہے اور دونوں ممالک کے درمیان صحت عامہ، مصنوعی ذہانت، دفاع اور سفر سمیت متعدد شعبوں میں کاروباری معاہدوں پر دستخط ہوئے ہیں۔