کوسوو: اسرائیلی فٹبال ٹیم پر داعش کا حملہ ناکام بنانے کا دعویٰ

تصویر کے کاپی رائٹ AFP
Image caption اسرائیل کے فٹبال میچ کے دوران سٹیڈیم کے باہر پولیس تعینات ہے

کوسوو کی پولیس کا کہنا ہے کہ انھوں نے اسرائیل کی فٹبال ٹیم پر شدت پسند تنظیم دولتِ اسلامیہ کی جانب سے حملے کی منصوبہ بندی ناکام بنا دی ہے۔

پولیس کے مطابق دولتِ اسلامیہ البانیہ میں ہونے والے فٹبال کے عالمی مقابلوں کے کوالیفائنگ روانڈ کے میچ میں اسرائیل کی ٹیم کو نشانہ بنانا چاہتی تھی۔

پولیس نے ٹیم پر حملے اور کوسوو میں شدت پسند حملوں کی منصوبہ سازی کے سلسلے میں 19 افراد کو حراست میں لیا ہے۔

حراست میں لیے گئے افراد کے پاس سے دھماکہ خیز آلات اور ہتھیار سمیت جہادی مواد بھی ملا ہے۔

دولتِ اسلامیہ کے حملے کی منصوبہ بندی کا پتہ لگنے کے بعد اسرائیل کے میچ کو البانیہ سے دوسرے شہر منتقل کر دیا گیا تھا۔

پولیس کا کہنا ہے کہ حراست میں لیے گئے افراد شدت پسند تنظیم دولتِ اسلامیہ کے شام میں موجود دو البانوی جنگجوؤں کے ساتھ رابطے میں تھے۔

حراست میں لیے گئے کچھ افراد کو بعد میں رہا کر دیا گیا۔

پولیس نے اپنے بیان میں کہا ہے کہ اُنھیں یقین ہے کہ مشتبہ افراد کے 'اہداف واضع' تھے۔

کوسوو نے سنہ 1999 میں سربیا سے علیحدہ ہو کر آزاد ریاست بنانے کا اعلان کیا تھا لیکن اقوام متحدہ اسے علیحدہ ریاست تسلیم نہیں کرتے ہے۔

تصویر کے کاپی رائٹ AFP
Image caption اسرائیل کے فٹبال میچ کے دوران سٹیڈیم کے باہر پولیس تعینات ہے

متعلقہ عنوانات

اسی بارے میں