شام پر حملے کے خلاف امریکہ میں مظاہرے
شام کے فضائی اڈے پر امریکی حملے کے خلاف امریکہ کے مختلف شہروں میں حملوں کے خلاف مظاہرے ہوئے۔
،تصویر کا ذریعہAFP
امریکہ نے شام میں باغیوں کے زیرِ اثر علاقوں میں شامی فوج کی جانب سے مشتبہ کیمیائی حملے کے جواب میں جمعے کی صبح مشرقی بحیرۂ روم میں موجود اپنے بحری بیڑے سے 59 ٹاما ہاک کروز میزائلوں سے شام کے ایک فضائی اڈے کو نشانہ بنایا تھا۔
،تصویر کا ذریعہAFP
ان حملوں کے خلاف امریکہ کے شہر لاس اینجلس میں مظاہرے ہوئے جس میں مظاہرین کا کہنا تھا کہ وہ جنگ کو مسترد کرتے ہیں۔
،تصویر کا ذریعہAFP
مظاہرین نے شام کے صدر بشار الاسد کی تصاویر بھی اٹھا رکھی تھیں۔
،تصویر کا ذریعہAFP
اطلاعات کے مطابق امریکہ کا شام کے فضائی اڈے پر حملے کے خلاف 20 امریکی شہروں میں مظاہرے ہوئے۔
،تصویر کا ذریعہAFP
مظاہرین نے بینر اٹھا رکھے تھے۔ اس تصویر میں بینر پر لکھا ہے ’شام میں امریکی جنگ بند کرو۔ لوگوں کی ضروریات پر رقم خرچ کرو نہ کہ جنگ پر‘۔
،تصویر کا ذریعہAFP
ایک مظاہرے میں زمین پر لکھا ہے ’شام، یمن، کوریا اور ایران میں جنگ نہیں‘۔
،تصویر کا ذریعہAFP
مظاہرین نے پلے کارڈ اٹھا رکھے ہیں جن پر لکھا ہے ’پناہ گزینوں کو آنے دو، اور وہ جنگ بند کرو جس سے پناہ گزینوں میں اضافہ ہوتا ہے‘۔
،تصویر کا ذریعہAFP
بینر پر لکھا ہے ’شام میں جنگ بند کرو، ایک اور جنگ سلطنت کے لیے‘۔