فرانس میں جنگل کی آگ، تصاویر میں

آگ

،تصویر کا ذریعہAFP

فرانس میں حکام کے مطابق جنوب مشرقی علاقے میں بھڑکنے اٹھنے والی آگ کے باعث دس ہزار افراد انخلا پر مجبور ہوگئے ہیں۔

پروانس-آلپ-کوت دازور کے علاقے میں بھڑکنے والی آگ پر قابو پانے کے لیے سینکڑوں فائرفائٹرز تعینات کیے گئے ہیں۔

اس سے قبل فرانس نے اپنے ہمسایہ یورپی یونین ممالک سے آگ سے نمٹنے کے لیے درخواست کی تھی۔

،تصویر کا ذریعہAFP

بحیرہ روم کے ساحل کے کنارے واقع پہاڑی علاقے اور کروسیکا کے جزیرے پر تقریبا 4000 ہیکٹرز (تقریبا 15 مربع کل میٹر) جل کر راکھ ہوگیا ہے۔

،تصویر کا ذریعہAFP

خبررساں ادارے اے ایف پی نے ایک فائر اہلکار کے حوالے سے بتایا کہ 'دس ہزار لوگوں کا حالیہ انخلا آگ بڑھنے کے بعد کیا گیا ہے۔ '

،تصویر کا ذریعہAFP

اہلکار کے مطابق گرمیوں میں اس علاقے میں آبادی دو سے تین گنا زیادہ ہوجاتی ہے۔

علاقے میں قائم ایک مشہور رزارٹ سینٹ ٹروپیز اور اس کے گردونواح کا علاقہ آگ سے شدید متاثر ہوا ہے۔

،تصویر کا ذریعہAFP

کروسیکا میں سینکڑوں گھروں کو خالی کروایا گیا ہے۔

مجموعی طور پر چار ہزار فائرفائٹرز پیر سے آگ بجھانے کی کوشش کر رہے ہیں اور انھیں فوج کی مدد بھی حاصل ہے۔

،تصویر کا ذریعہAFP

حکام کے مطابق آگ سے 12 فائرفائٹر زخمی جبکہ 15 پولیس اہلکار دھوئیں کے باعث متاثر ہوئے ہیں۔

سینٹ ٹروپیز کے قریب قیام پذیر ایک برطانوی سیاح لیزا مینوٹ نے بی بی سی کو بتایا کہ تمام سیاحوں کو مقامی وقت کے مطابق رات دو بجے نکالا گیا اور انھوں نے رات ساحل سمندر پر گزاری کیونکہ لکڑی کے بنے گھروں میں رہنا پرخطر تھا۔

ان کا کہنا تھا کہ 3000 کے قریب سیاحوں اور دیگر افراد نے ساحل سمندر پر سرد ہواؤں کا سامنا کرتے ہوئے رات ساحل سمندر پر گزاری۔

،تصویر کا ذریعہAFP