ایشز: گابا کے سوئمنگ پول میں منگنی

تصویر کے کاپی رائٹ EPA

آسٹریلیا میں گابا میں کھیلے جانے والے ایشز میں سوئمنگ پول بھی ہے جہاں آپ سوئمنگ کرتے ہوئے میچ سے لطف اندوز ہو سکتے ہیں۔ اس پول میں بیٹھ کر میچ دیکھنے کا موقع چند ہی شائقین کو ملتا ہے۔

ایشز کے دوسرے روز پول میں موجود ایک شخص نے اس دن کو مزید یادگار بنایا۔

مائیکل مینگرج کو پول میں بیٹھ کر میچ دیکھنے کے لیے چنا گیا اور انھوں نے اس کا بھرپور فائدہ اٹھاتے ہوئے ایک گھٹنے پر بیٹھ کر اپنی گرل فرینڈ ٹوری روبک کو شادی کرنے کا کہا۔

تصویر کے کاپی رائٹ EPA

خوش قسمتی سے روبک نے ہاں کر دی اور لینگرج اور پول میں موجود دیگر افراد نے بھرپور انداز میں خوشی منائی۔

ٹیسٹ میچ سپیشل سے بات کرتے ہوئے لینگرج نے کہا 'میں گذشتہ تین ماہ سے پلاننگ کر رہا تھا۔ میں بچپن ہی سے ایشز سیریز کا دلدادہ ہوں اور میں توری کے ہمراہ میچ دیکھنا چاہتا تھا۔'

کرکٹ اور پول دونوں کا مزہ ایک ساتھ

تصویر کے کاپی رائٹ EPA
تصویر کے کاپی رائٹ Getty Images
تصویر کے کاپی رائٹ EPA
تصویر کے کاپی رائٹ EPA

گابا سٹیڈیم کا سوئمنگ پول

دسمبر 2016 میں اس پول کا افتتاح پاکستان اور آسٹریلیا کے درمیان ٹیسٹ میچ میں کیا گیا جس میں 32 ہزار لیٹر پانی موجود ہے۔ اور پہلی بار شائقین ایشز سیریز اس پول میں بیٹھ کر دیکھ رہے ہیں۔

اس پول اور گراؤنڈ کے درمیان شفاف سکرین ہے۔ آسٹریلیا کی اولمپک تیراک سٹیفنی رائس اس پول کی سفیر ہیں۔

انگلینڈ کرکٹ ٹیم کے سابق کپتان ڈیوڈ گاور کا کہنا ہے 'اگر آپ ایشز کے دوران گابا میں بیٹنگ کر رہے ہیں تو بہت کچھ ہو رہا ہوتا۔ بکینی میں ایک خوبصورت لڑکی سے پریشان نہیں ہونا چاہیے۔'

تصویر کے کاپی رائٹ Getty Images

سوئمنگ پول تک رسائی کیسے؟

یہ سب خواب جیسا ہے۔ برزبین کی گرمی میں آپ سوئمنگ پول میں بیٹھے ہیں۔ ہاتھ میں بیئر ہے۔ کرکٹ دیکھ رہے ہیں۔

تصویر کے کاپی رائٹ Getty Images

لیکن اس سب میں ایک مسئلہ ہے۔ اس پول میں صرف ان لوگوں کو جانے دیا جاتا ہے جو بہترین سوئمنگ کے کپڑے پہن کر آتے ہیں۔

بکینی اور سوئمنگ کے کپڑے پہنے شائقین جب میچ دیکھنے آتے ہیں تو ان کو مجمع میں سے انتظامیہ چنتی ہے

تاہم پول میں موجود شائقین کے لیے سخت قواعد و ضوابط ہیں۔

تصویر کے کاپی رائٹ Getty Images

متعلقہ عنوانات

اسی بارے میں