دنیا میں لینن کے پانچ مجسمے

لینن تصویر کے کاپی رائٹ AFP

انڈیا کی شمال مشرقی ریاست تریپورہ میں جدید روس کے معمار ولادی میر لینن کا مجسمہ پانچ مارچ سنہ 2018 کو گرا دیا گيا۔

مجسمہ گرائے جانے کے دوران انڈیا میں برسر اقتدار جماعت بی جے پی کے حامیوں کی بھیڑ نظر آئی۔

یہ مجسمہ ریاستی انتخابات میں بی جے پی کی کامیابی کے بعد 48 گھنٹے بعد گرا دیا گیا۔ ایسا پہلی بار نہیں ہوا کہ لینن کا مجسمہ زمیں بوس کیا گيا ہو۔

اس سے قبل یوکرین کے دارالحکومت کیئف میں مظاہرین نے لینن کے مجسمے کو گرا دیا تھا۔

سنہ 1917 میں روسی انقلاب کے ہیرو لینن کا مجسمہ دنیا میں کئی جگہوں پر قائم ہے۔ ہم آپ کو لینن کے پانچ مخصوص مجسموں سے روشناس کراتے ہیں۔

سیئٹل، امریکہ

تصویر کے کاپی رائٹ TWITTER/@MEL_A_WOODS

سیئٹل کے مضافاتی قصبے فریمونٹ میں قائم لینن کا مجسمہ سنہ 1990 کی دہائی کے آغاز میں بنایا گيا تھا۔

انگریزی استاد لوئی کارپینٹر نے اس مجسمے کو سلواکیہ سے یہاں لانے کے لیے اپنا گھر تک رہن رکھ دیا تھا۔

یہ بہت سی فاسٹ فوڈز کی دکانوں کے درمیان نصب ہے اور خصوصی مواقع پر اسے سجایا جاتا ہے۔

انٹارکٹکا

تصویر کے کاپی رائٹ STEIN TRONSTAD / NORWEGIAN POLAR INSTITUTE

سوویت سائنس دانوں نے دسمبر سنہ 1958 میں قطبِ جنوبی پر امریکہ کے امنڈسن سکاٹ سٹیشن کے قیام کے جواب میں انٹارکٹیکا کے سب سے دور دراز علاقہ پول آف ان ایکسیسبلیٹی میں ایک تحقیقاتی مرکز قائم کیا۔

وہاں سے دو ہفتے بعد رخصت ہونے سے پہلے انھوں نے اس مرکز کی چھت پر لینن کا پلاسٹک کا مجسمہ نصب کیا۔

آج اس مرکز میں صرف لینن کا مجسمہ نظر آتا ہے جبکہ باقی حصہ برف میں دفن ہو چکا ہے۔

آئیلنگٹن، لندن

تصویر کے کاپی رائٹ ISLINGTON MUSEUM

دوسری عالمی جنگ کے دوران نازی جرمنی کے خلاف سوویت یونین اور براطانیہ کی دوستی کے موقعے پر لندن کے فینسبری کونسل میں لینن کا مجسمہ قائم کیا گیا تھا۔

اسے روسی فن تعمیر کے ماہر برتھولڈ لوبتکن نے بنایا تھا۔ یہ چند دنوں کے لیے ہالفورڈ چوک میں بھی نصب کیا گیا تھا۔

لینن نے اپنی جلاوطنی کے دوران لندن کے ہولفورڈ چوک کے پاس ہی قیام کیا تھا۔ اس مجسمے کے ساتھ اکثر توڑ پھوڑ ہوتی تھی اس لیے اسے وہاں سے منتقل کر دیا گيا۔ اب یہ مجسمہ آئیلنگٹن میوزیم میں دیکھا جا سکتا ہے۔

تارہنکوٹ، یوکرین

تصویر کے کاپی رائٹ Thinkstock

یہ جگہ کیئف سے بہت دور نہیں ہے لیکن سوویت مخالف مظاہرین کے لیے یہاں تک پہنچنا آسان نہیں ہے۔

لینن کا یہ مجسمہ کریمیا کے تارہنکوٹ میں پانی کے نیچے بنے میوزیم میں رکھا ہے۔ اس میوزیم میں کئی سابق سوویت رہنماؤں سے منسلک یادگار اور مجسمے موجود ہیں۔

کاوریاگو، اٹلی

تصویر کے کاپی رائٹ Thinkstock

اٹلی کا کاریاگو مغربی یورپ کے ان چند شہروں میں سے ایک ہے جہاں لینن کا مجسمہ نصب ہے۔

بولونگا کے قریب واقع اس شہر کے کونسل کی ویب سائٹ کے مطابق سنہ 1918 میں سوشلسٹ پارٹی میں لبرل اور قدامت پسندوں کے درمیان شدید بحث چھڑی تھی۔

بالآخر قدامت پسندوں کی جیت ہوئی اور لینن کو 1920 میں شہر کے پہلے اعزازی شہری کی حیثیت دی گئی اور ان کا مجسمہ نصب کیا گیا۔

متعلقہ عنوانات

اسی بارے میں