18ویں سالگرہ پر قسمت چمک اٹھی، زندگی بھر ہر ہفتے ایک ہزار ڈالر ملیں گے

چارلی تصویر کے کاپی رائٹ LOTO QUEBEC
Image caption چارلی نے پہلی بار لاٹری ٹکٹ خریدا اور قسمت ان پر مہربان ہو گئی

کینیڈا میں ایک نوجوان لڑکی کو اپنی 18ویں سالگرہ پر خریدے گئے لاٹری ٹکٹ پر اب زندگی بھر ہفتہ وار ایک ہزار ڈالر ملیں گے۔

کینیڈا کے صوبے کیوبیک سے تعلق رکھنے والی لڑکی چارلی لوگارڈ نے 14 مارچ کو اپنی 18ویں سالگرہ کو منانے کے لیے شیمپین کی ایک بوتل کے ساتھ لاٹری ٹکٹ خریدا۔

اس ٹکٹ پر انعام نکل آیا جو کہ یکمشت حاصل کرنے پر سات لاکھ 80 ہزار ڈالر تھا لیکن انھوں نے اپنی مرضی سے تاحیات ہر ہفتے ایک ہزار ڈالر کی رقم حاصل کرنے کا انتخاب کیا۔

اس بارے میں مزید پڑھیے

45 کروڑ ڈالر سے ’مزے کرنا چاہتا ہوں‘

کیا آپ لاٹری کی رقم سے خیراتی ادارہ کھولیں گے؟

بھلکڑ مالی لاٹری جیت کر ٹکٹ چیک کرنا ہی بھول گیا

تیسری بار لاٹری جیتنے والا کینیڈین جوڑا

چارلی نے اپنے وکیل سے مشاورت کے بعد ہفتہ وار ایک ہزار ڈالر لینے کا انتخاب اس لیے کیا کیونکہ اس صورت میں انعامی رقم پر ٹیکس کی کٹوتی نہیں ہونی ہے۔

لاٹری کارپوریشن کے ترجمان پیٹرک لووئی نے کینیڈین پریس کو بتایا کہ ٹیکس کے بغیر انعامی رقم سالانہ ایک لاکھ ڈالر کی تنخوا کے برابر آمدن بنتی ہے اور یہ ایک نوجوان خاتون کے لیے زندگی شروع کرنے کا ایک اچھا آغاز ہے۔

چارلی نے زندگی میں پہلی بار لاٹری ٹکٹ خریدا اور اسی پر انعام نکل آیا۔ اب چارلی کے مطابق وہ انعامی رقم کو سفر کرنے اور اپنی تعلیم پر خرچ کریں گی۔

چارلی کے مطابق وہ فوٹو گرافی سیکھنا چاہتی ہیں اور ان کا خواب ہے کہ وہ نیشنل جیوگرافک کے ساتھ کام کر سکیں۔

متعلقہ عنوانات

اسی بارے میں