اقوامِ متحدہ کے سابق سربراہ کوفی عنان 80 برس کی عمر میں چل بسے

United Nations (UN) Secretary General Kofi Annan smiles in front of UN logo at a press conference 21 November 2006 تصویر کے کاپی رائٹ AFP

انسانی خدمات کے اعتراف میں نوبیل انعام حاصل کرنے والے اقوامِ متحدہ کے سابق سربراہ کوفی عنان 80 برس کی عمر میں چل بسے۔

کوفی عنان پہلے سیاہ فام افریقی سفارتکار تھے جو اقوام متحدہ کے سربراہ جیسے اعلیٰ عہدے پر فائز ہوئے۔

وہ اس عہدے پر سنہ 1997 سے سنہ 2006 تک کام کرتے رہے۔

اس کے بعد انھوں نے شام کے لیے اقوامِ متحدہ کے خصوصی ایلچی کے فرائض بھی نبھائے تاکہ تنازع کا پر امن حل تلاش کیا جا سکے۔

کوفی عنان کے دور میں عراق جنگ اور ایڈز کی وبا جیسے بڑے مسائل کا سامنا رہا۔

ان کی وفات کا اعلان کرتے ہوئے کوفی عنان فاؤنڈیشن نے ایک بیان میں کہا کہ ’وہ ایک عالمی مدبر تھے۔ انھوں نے اپنی ساری زندگی شفافف اور پر امن دنیا کے لیے جد و جہد کی۔ ‘

’جہاں کہیں بھی مشکلات اور ضرورت ہوتی وہ پہنچتے تھے۔ انھوں نے اپنے عزم اور ہمدردانہ مزاج سے بہت لوگوں کے دلوں میں جگہ بنائی۔ انھوں نے ہمیشہ دوسروں کو اولیت دی، حقیقی رحم دلی، گرم جوشی اور بہترین کارکردگی دکھائی۔‘

ان کا تعلق گھانا سے تھا اور انھوں نے سوئٹزر لینڈ کے شہر جنیوا میں وفات پائی۔ وہ گذشتہ کئی برسوں سے وہاں مقیم تھے۔

انھیں ان کی خدمات کی اعتراف میں سنہ 2001 میں امن کا نوبیل انعام دیا گیا۔

متعلقہ عنوانات

اسی بارے میں