برازیل کے میوزیم میں لگنے والی آگ تصاویر میں

برازیل کے شہر ریو دی جنیرو میں قائم ملک کے قدیم ترین سائنسی ادارے نیشنل میوزیم میں شدید آگ بھڑک اٹھی ہے جو کبھی پرتگال کے شاہی خاندان کی رہائش گاہ ہوا کرتا تھا اور رواں سال کی ابتدا میں اس کی تعمیر کا 200 سالہ جشن منایا گیا تھا۔

برازیل میوزیم

،تصویر کا ذریعہEPA

،تصویر کا کیپشن

آگ اتوار کو میوزیم بند ہونے کے بعد بھڑکی اور پھر پوری عمارت میں پھیل گئی۔ آگ بجھانے والا عملہ آگ پر قابو پانے کی کوششوں میں لگا ہوا ہے۔

،تصویر کا ذریعہReuters

،تصویر کا کیپشن

عمارت میں لگنے والی آگ سے رات روشن رہی اور شہر ریو دی جنیرو میں دھوئيں کے بادل اٹھتے نظر آئے۔

،تصویر کا ذریعہEPA

،تصویر کا کیپشن

کسی بھی شخص کے زخمی ہونے کی اطلاعات نہیں ہیں لیکن میوزیم کے نوادرات کو نقصان پہنچنے کا شدید خدشہ لاحق ہے۔

،تصویر کا ذریعہReuters

،تصویر کا کیپشن

آگ بجھانے والا عملہ تندہی کے ساتھ آگ پر قابو پانے میں لگا ہوا ہے تاکہ اس قومی وراثت کو کسی حد تک بچایا جا سکے۔

،تصویر کا ذریعہReuters

،تصویر کا کیپشن

اس میوزیم میں برازیل اور مصر سمیت دوسرے ممالک کی تواریخ سے متعلق 20 ہزار نادر اشیا رکھی ہوئی تھیں جن میں برازیل کے شاہی خاندان کے ذخائر بھی تھے۔

،تصویر کا ذریعہReuters

،تصویر کا کیپشن

اس میوزیم کے قدرتی تاریخ کے ذخائر میں ڈائنوسار کی ہڈیاں اور ایک خاتون کا 12000 سال پرانا ڈھانچہ رکھا ہوا تھا۔ یہ ڈھانچہ امریکی بر ا‏عظموں پر دریافت ہونے والا قدیم ترین ڈھانچہ تھا۔

،تصویر کا ذریعہReuters

،تصویر کا کیپشن

برازیل کے ٹی وی گلوبو کے ساتھ ایک انٹرویو میں میوزیم کے ڈائریکٹر نے اسے 'ثقافتی سانحہ' قرار دیا ہے۔

،تصویر کا ذریعہReuters

،تصویر کا کیپشن

آگ لگنے کی وجوہات کا ابھی علم نہیں ہو سکا ہے۔ برازیل کے صدر مائیکل ٹیمر نے ایک ٹویٹ میں اسے برازیل کے تمام باشندوں کے لیے 'افسوسناک دن' قرار دیا ہے۔

،تصویر کا ذریعہAFP/Getty Images

،تصویر کا کیپشن

برازیل کے صدر نے یہ بھی کہا کہ ہماری تاریخ کی قدر کا اس عمارت کو ہونے والے نقصانات سے اندازہ نہیں لگایا جا سکتا ہے۔'

،تصویر کا ذریعہReuters

،تصویر کا کیپشن

ریو دی جنیرو کے باشندے اس عجائب گھر میں آگ لگنے پر صدمے میں ہیں جبکہ اس سے قبل میوزیم کے ملازمین نے فنڈ میں کٹوتی اور عمارت کی خستہ حالت پر تشویش کا اظہار کیا تھا۔