جاپان: یہ نیم برہنہ مرد کیا ڈھونڈ رہے ہیں؟
،تصویر کا ذریعہGetty Images
ہزاروں مرد دو چھڑیوں کی تلاش میں اکھٹے ہوتے ہیں
ایک قدیم جاپانی تہوار میں حصہ لینے والے ہزاروں نیم برہنہ مرد قسمت پانے کے لیے ہجوم میں پھینکی گئیں دو مقدس چھڑیاں تلاش کرتے ہیں۔
خیال کیا جاتا ہے کہ حالیہ دنوں میں اوکایاما کے کِن ریوزان سائدائجی بدھ مندر میں ہونے والی تقریب میں 10000 مردوں نے سفید لنگوٹی پہن کر حصہ لیا۔
ہجوم میں پھینکی جانے والی چھڑیوں کی تلاش میں نکلنے سے پہلے تقریب میں حصہ لینے والے مردوں نے خود کو پانی سے پاک کیا۔
جاپان کے قدیمی مقدس تہوار میں نیم برہنہ مردوں کا ہجوم
شنجی کہلانے والی 20 سینٹی میٹر لمبی چھڑیوں کو ڈھونڈنے والے مردوں کو سال کے خوش قسمت ترین مرد تصور کیا جاتا ہے۔
،تصویر کا ذریعہGetty Images
شنجی کی تلاش سے پہلے جسم کا پاک کیا جانا ضروری ہوتا ہے
جاپانی کلچر کے بارے میں مزید دلچسپ فیچرز
،تصویر کا ذریعہGetty Images
یہ تہوار گذشتہ 510 سال سے منایا جا رہا ہے
جاپانی تاریخ کے مُورو ماچی دور میں جڑیں رکھنے والے سائدائجی ایو تہوار کی 510 ویں سالگرہ منائی جا رہی ہے۔
تقریب کا آغاز ہزاروں مردوں کے دریائے یوشی کے ٹھنڈے پانی میں نہانے سے ہوا تاکہ شنجی کی تلاش سے پہلے جسم پاک کیا جا سکے۔
جسم پاک کرنے کے مرحلے کے بعد رات کے دس بجے تمام بتیاں بجھا دی گئیں۔
،تصویر کا ذریعہGetty Images
دریا کے ٹھنڈے پانی سے ان مردوں کو پاک کیا جاتا ہے
مندر کے پیشوا چار فٹ اونچی کھڑکی میں کھڑے ہوئے اور انھوں نے ہجوم میں دو شنجی چھڑیاں پھینکیں۔
ہجوم میں بڑے پیمانے پر دھکم پیل ہوئی اور اگلے دو گھنٹے تک چھڑیوں کی تلاش میں مرد ایک دوسرے کو دھکیلتے رہے۔
چھڑیاں تلاش کر لینے والے دو مردوں کو خوش قسمت ترین مرد ہونے کا اعزاز ملا۔
،تصویر کا ذریعہGetty Images
جن مردوں کو چھڑی مل جاتی ہے انھیں سال کا خوش قسمت ترین مرد سمجھا جاتا ہے
سائدائجی ایو سب سے اہم جاپانی روایتی تہواروں میں سے ایک ہے۔
شنجی کی طرف سے لائی گئی قسمت کے علاوہ یہ زرخیزی کا تہوار ہے جو پورے سال کے لیے اچھی فصل کا باعث بنتا ہے۔
،تصویر کا ذریعہGetty Images
جسم پر مرد صرف ایک کپڑا لپیٹ سکتے ہیں
یہ بھی پڑھیے
،تصویر کا ذریعہGetty Images
اس تہوار کو دیکھنے کے لیے بھی ہزاروں لوگ جمع ہوتے ہیں
یہ تہوار نئے قمری سال کی شروعات کے آس پاس ہی منایا جاتا ہے۔
ہزاروں لوگ مندر جا کر لالٹینیں جلاتے ہیں اور شنجی حاصل کرنے لے لیے مردوں کے درمیان مقابلے سے محظوظ ہوتے ہیں۔
