وینیزویلا: بجلی کے بعد اب لوگوں کو پانی کی قلت کا سامنا

ویینزویلا تصویر کے کاپی رائٹ Reuters

وینیزویلا کے دارلحکومت کاراکاس سمیت دیگر شہروں میں چھ روز سے بجلی کی فراہمی معطل ہونے کے باعث اب پانی کا بحران پیدا ہو گیا ہے اور شہری پانی کے لیے ترسنے لگے ہیں۔

گھروں کو پانی فراہم کرنے والے بہت سے پمپس نے جمعرات کے روز کام کرنا چھوڑ دیا تھا جب پہلی بار بجلی کی فراہمی معطل ہوئی تھی۔

تاہم کچھ علاقوں میں مختصر دورانیے کے لیے بجلی بحال بھی ہوئی اور لوگ پانی جمع کرنے میں کامیاب ہو گئے، لیکن بعض علاقوں میں گذشتہ چھ روز سے پانی کی فراہمی معطل ہے۔

بہت سے علاقوں میں پانی کی سپلائی وقفے وقفے سے جاری ہے، جو آہستہ آہستہ کم ہو رہی ہے۔

ویینزویلا تصویر کے کاپی رائٹ EPA

دارلحکومت کاراکاس کے مشرق میں واقع ایک عوامی پارک میں کئی خاندانوں نے پانی کے پائپس کے ذریعے پلاسٹک کی بوتلوں میں پانی جمع کیا۔

بعض شہریوں نے پانی کی تلاش میں شہر کے مضافات میں واقع پہاڑوں کا بھی رخ کیا۔ خالی برتن اٹھائے لوگوں کی لمبی قطاروں کو ان راستوں پر دیکھا جا سکتا ہے۔

ویینزویلا تصویر کے کاپی رائٹ Getty Images
ویینزویلا تصویر کے کاپی رائٹ Getty Images

شہر کے مرکز میں کئی شہریوں نے گلیوں میں موجود بچے کچھے پانی کو ہاتھوں سے جمع کرنے کی بھی کوشش کی، جبکہ بعض نے شہر کے نکاسی آب کے نظام سے بھی پانی حاصل کرنے کی کوشش کی۔

ویینزویلا تصویر کے کاپی رائٹ EPA
ویینزویلا تصویر کے کاپی رائٹ AFP
ویینزویلا تصویر کے کاپی رائٹ Reuters

تمام تصاویر کے جملہ حقوق محفوظ ہیں۔

متعلقہ عنوانات

اسی بارے میں