دو بچے چاہیئیں تو بیس برس انتظار

Image caption چین میں تیس برس سے صرف ایک بچہ پیدا کرنے کی پابندی عائد ہے

چین کے ضلع گونڈونگ کے ایک سینئر اہلکار کا کہنا ہے کہ سن دو ہزاز تیس میں ان کے ضلع کے تمام جوڑوں کو صرف ایک بچہ پیدا کرنے کی پابندی سے آزاد کر دیا جائے گا۔

ضلع گونڈونگ آبادی کے لحاظ سے ملک کے بڑے علاقوں میں سے ایک ہے۔

چینی حکام کے مطابق پابندی کے خاتمے کے بعد چینی جوڑوں کو دو بچے پیدا کرنے کی اجازت ہوگی۔

حکام کے مطابق یہ اقدام چین میں بڑھتی عمر کے افراد میں اضافے کے پیش نظر اٹھایا جا رہا ہے۔

چین میں آج سے تیس سال پہلے بڑھتی ہوئی آبادی پر قابو پانے کے لیے ہر جوڑے کو صرف ایک بچہ پیدا کرنے کی اجازت دی گئی تھی۔

تاہم ایک سے زائد بچے پیدا کرنے کے خواہش مند جوڑوں کے لیے چینی حکومت کی جانب سے کچھ شرائط موجود ہیں جن کو پورا کرنے کے بعد وہ اس پابندی سے آزاد ہو سکتے ہیں۔