’جنوبی سوڈان کو حقِ آزادی ‘

امریکی سینیٹر جان کیری
Image caption امریکی پیغام جان کیری نے پہنچایا

امریکہ نے سوڈان سے کہا ہے کہ اگر وہ اپنے جنوبی حصے کی آزادی کے سوال پر ریفرنڈم طے شدہ وقت پر کروا دے تو وہ اس کا نام دہشتگردی کو فروغ دینے والی ریاستوں کی فہرست سے جلد نکال دے گا۔

سوڈان میں ملک کے جنوبی حصے کے لوگ طے شدہ پروگرام کے مطابق جنوری میں ملک سے علیحدگی کے سوال پر اپنی رائے دیں گے۔ امریکہ نے سوڈان سے کہا ہے کہ وہ یہ ریفرنڈم وقت پر اور شفاف انداز میں منعقد کروائے۔

امریکہ کی طرف سے یہ پیشکش سینیٹر جان کیری نے سوڈان کے حکام تک پہنچائی۔ امریکہ کے صدر براک اوباما کی طرف سے اس پیغام کا مقصد سوڈان میں ریفرنڈم کے راستے میں حائل ممکنہ رکاوٹیں ختم کرنا ہے۔

جنوبی سوڈان سے تعلق رکھنے والے سیاستدانوں کا اسرار ہے کہ ریفرنڈم اپنی مقررہ تاریخ نو جنوری کو ہی ہونا چاہیں۔

جنوبی سوڈان میں آزادی کے بارے میں رائے شماری کے ساتھ ہی ملک کے تیل سے مالا مال حصے ابیی سے بھی رائے لی جائے گی کہ وہ شمالی سوڈان کا حصہ بننا چاہتا ہے یا جنوبی سوڈان کا۔

اسی بارے میں