دنیا کی سب سے بڑی نمک کی ‏‏‏کان

پولینڈ کے جنوب میں کریکو شہر کے قریب ولیچکا کے مقام پر سب سے بڑی نمک کی ‏‏‏کان ہے جسے دیکھنے کے لیے سرکاری اعدادوشمار کے مطابق بارہ لاکھ سیاح ہر سال آتے ہیں۔ ان میں سے تقریباً چار لاکھ مقامی مقامی جبکہ باقی غیرملکی سیاح ہیں۔

کان پہنچے تو حیرت ہوئی۔ نا کوئی پہاڑ نہ کوئی کان۔ ذہن میں تھا کہ کسی بڑے پہاڑ کے دھانے پر کان کا پرانا گندا سا دروازہ کان کا داخلی راستہ ہوگا۔ گائیڈ نے بتایا کہ یہ بڑی سی ہوٹل نما عمارت دراصل کان کا دروازہ ہے۔ اس عمارت کی چھت سے نکلا ہوا لوہے کاسفید ستون ہی اسے اردگرد کی عمارتوں سے قدرے مختلف بناتا تھا۔

اس مقام پر زمانہ وسطی سے لے کر انیس سو چھیانوے تک کان کنی کی جاتی رہی جس سے تقریباً دو ہزار مزدور وابستہ تھے۔ لیکن بعد میں اسے غیرمنافع بخش ہونے کی وجہ سے بند کر دیا گیا۔ تاہم اس حیران کن کان کو بند نہیں کیا گیا۔ یہاں مزید سرمایہ کاری کرنے کے بعد اسے دنیا کے بہترین سیاحتی مقامات میں سے ایک بنا دیا گیا ہے۔

کان میں مختلف نمائشیں بھی ایک مسلسل سلسلہ ہے۔ پولینڈ کے فنکاروں کی بنائی ہوئی مختلف اشیاء جن میں سگریٹوں کا تابوت شامل تھا نمائش کے لیے رکھے ہوئے تھے

کان کو گرنے سے بچانے کی خاطر لکڑی کے شہتر اتنی زیادہ تعداد میں استعمال کیے گئے ہیں کہ بعض سیاحوں کے مطابق یہ نمک کی کم اور لکڑی کی کان زیادہ دکھائی دیتی ہے۔ اس کے لیے علاوہ ڈرلنگ کے جدید طریقے سے لوہے کے سلاخیں ڈال کر بھی کان کو محفوظ بنایا گیا ہے۔ کان میں ایک قدیم فانوس۔

کان میں واقع فائیو سٹار ہوٹل کی نو منزلیں ہیں۔ اس میں شادی بیاہ اور موسیقی کے پروگراموں کے لیے بڑے شاندار ہال ہیں، کئی چرچ ہیں، ایک دو سوئمنگ پول ہیں اور ایک شاندار ریسٹوران بھی ہے۔ اس ہوٹل کی دلکشی اس کا زیرزمین چونٹسھ سے لے کر تین سو ستائیس میٹر کی گہرائی میں ہونا ہے۔

ایک وقت میں کان کنی کے دوران یہاں دو ہزار مزدور روزگار سے منسلک تھے لیکن اب اس کان کی دیکھ بھال کے لیے دو سو افراد مصروف رہتے ہیں۔ کان میں پولینڈ کی دیہی زندگی کی ایک جھلک بھی دیکھائی گئی ہے

لیکن ایک غیرمنافع بخش کان کو بڑی سرمایہ کاری کرنے کے بعد سیاحوں کے لیے پرکشش اور اپنے لیے منافع بخش بنانے پر اس منصوبے کو سوچنے اور اسے عملی جامعہ پہنچانے والوں کی تعریف کیے بغیر نہیں رہا جاسکتا۔