امریکہ: فائرنگ میں تین افراد ہلاک

آخری وقت اشاعت:  پير 22 اکتوبر 2012 ,‭ 12:50 GMT 17:50 PST

حکام نے فائرنگ کرکے تین افراد کو ہلاک کرنے والے شخص کا نام ریڈکلف ہافٹن بتایا ہے۔

امریکی ریاست وسکونسن کے شہر بروکفیلڈ کے ایک سپا میں ایک شخص نے فائرنگ کرکے تین افراد کو ہلاک اور چار کو زخمی کر دیا ہے۔

گولی چلانے والے شخص کی بیوی اس سپا میں کام کرتی تھی تاہم ابھی تک یہ معلوم نہیں ہو سکا ہے کہ اس کی بیوی فائرنگ میں ہلاک ہوئی یا نہیں۔

فائرنگ کرنے والے مشکوک شخص کی عمر پننتالیس سال ہے جس کا نام ریڈکلف ہافٹن بتایا جاتا ہے۔

واقعہ کے بعد پولیس نے علاقے کو گھیرے میں لے کر سرچ آپریشن کیا جہان انھیں ریڈکلف ہافٹن کی لاش ملی۔

اطلاعات کے مطابق واقعہ کی وجہ ریڈکلف کے گھریلو مسائل تھے۔

حال ہی میں جب ان پر اپنی بیوی کے گاڑی کے ٹائروں کو پھاڑنے کا الزام لگا تو عدالت نے انھیں اپنا آتشی اسلحہ جمع کرانے کا حکم دیا تھا۔

امریکہ کے صدر باراک اباما اور وسکونسن کے گورنر نے اس واقعہ پر افسوس کا اظہار کیا ہے۔

یہ اس سال وسکونسن میں اس قسم کا دوسرا بڑا واقعہ ہے۔

اگست میں ویڈ مائکل پیج نامی ایک سابق امریکی فوجی نے چھ سکھوں کو ان کے گوردوارے میں ہلاک کر دیا تھا۔

اسی بارے میں

متعلقہ عنوانات

BBC © 2014 بی بی سی دیگر سائٹوں پر شائع شدہ مواد کی ذمہ دار نہیں ہے

اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔