پینٹا گان نے تمام ایف 35 طیارے گراؤنڈ کر دیے

آخری وقت اشاعت:  ہفتہ 23 فروری 2013 ,‭ 04:42 GMT 09:42 PST
ایف 35 اے

ایف 35 طیارہ امریکی وزارت دفاع کے جنگی پروگرام کا اب تک کا سب سے مہنگا منصوبہ ہے

امریکہ نے اپنے جنگی بیڑے میں شامل تمام ایف 35 لڑاکا طیاروں کو انجن میں بلیڈ کی خرابی کے انکشاف کے بعد گراؤنڈ کر دیا ہے۔

امریکی وزارت دفاع کا کہنا ہے کہ کیلیفورنیا میں واقع ایڈورڈز ایئر فورس بیس پر ایف 35 اے طیاروں کی معمول کی نگرانی کے دوران طیارے کے انجن میں خرابی کا پتہ چلا۔

امریکی فضائیہ کے علاوہ امریکی بحریہ اور امریکی میرین كور بھی ایف 35 طیارے کے مختلف ورژن استعمال کرتے ہیں۔

واضح رہے کہ ایف 35 طیارہ امریکی وزارت دفاع کے جنگی پروگرام کا اب تک کا سب سے مہنگا منصوبہ ہے جس پر تقریباً 400 ارب ڈالر کے اخراجات آئے ہیں۔

امریکی وزارت دفاع کے مطابق جب تک ان طیاروں میں آئی خرابی کی اصل وجہ کا پتہ نہیں چل جاتا اور اسے ٹھیک نہیں کر لیا جاتا، اس وقت تک ان طیاروں کی پروازیں معطل رہیں گی۔

گزشتہ دو ماہ میں یہ دوسری بار ہے جب ایف 35 طیاروں کو معطل کرنے کا فیصلہ کیا گیا ہے۔

گزشتہ ماہ میں میرین كور کے ذریعہ استعمال کیے جانے والے لڑاکا طیارے ایف 35 بی اور اسی کے ایک دوسرے ورژن ایس ٹی او وی ایل میں تربیتی پرواز کے دوران اس مخصوص طیارے کی بناوٹ میں خرابی پائے جانے کے بعد تقریباً ایک ماہ تک ان طیاروں کی پرواز پر پابندی لگا دی گئی تھی۔

واضح رہے کہ یہ طیارے چھوٹی جگہ سے اڑان بھر سکتے ہیں اور ہیلی کاپٹر کی طرح عمودی لینڈنگ کر سکتے ہیں جبکہ فضائیہ میں استعمال ہونے والے طیارے معمول کے رن وے سے پرواز کرتے ہیں۔

برطانیہ اپنے مستقبل کے لڑاکا طیاروں کے طور پر امریکہ سے ایف 35 طیارے کا ایس ٹی او وی ايل ورژن خرید رہا ہے۔

اسی بارے میں

متعلقہ عنوانات

BBC © 2014 بی بی سی دیگر سائٹوں پر شائع شدہ مواد کی ذمہ دار نہیں ہے

اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔