ٹویٹر پر یو اے ای کا جھنڈا الٹا سیدھا

تصویر کے کاپی رائٹ TWITTER
Image caption ٹویٹر کے یوزرز اس غلھی سے متاثر نہیں ہوئے

کرکٹ کے مداحوں کا کہنا ہے کہ سوشل میڈیا ویب سائٹ ٹویٹر نے کرکٹ ورلڈ کپ میں متحدہ عرب امارات کی نمائندگی غلط پرچم سے کی ہے۔

ٹویٹر نے اپنی ویب سائٹ پر اس ایونٹ کی نشاندہی ’ہیش فلیگز‘ کے نام سے کی تاکہ جب کوئی صارف UAE# ٹائپ کرے تو اس کی ٹویٹ میں ملک کا پرچم دکھائی دے۔

ٹویٹر کا خیال تو یہی تھا لیکن اس کے بجائے صارفین کو ایک ایسا جھنڈا دکھائی دیا جس کے رنگ تو ٹھیک تھے لیکن الٹے سیدھے لگے ہوئے تھے۔

جہاں پر سبز رنگ کے ساتھ سفید اور سیاہ پٹیوں کے ساتھ طرف ایک سرخ عمودی لائن ہونی چاہیے تھی، وہاں پر ٹویٹر نے جھنڈے پرایک کالی پٹی لگا دی اور جہاں پر سرخ لائن تھی وہاں پر ایک مثلث لگا دی۔

تصویر کے کاپی رائٹ Getty
Image caption متحدہ عرب امارات کا صحیح پرچم

کچھ صارفین کا کہنا ہے کہ یہ نیا جھنڈا بالکل عرب بغاوت کے پرچم کے جیسا لگتا ہے جو کہ پہلی عالمی جنگ میں استعمال کیا گیا تھا۔

اس ہیش ٹیگ کو استعمال کرنے والے صارفین اس غلطی سے خوش نہیں ہیں۔ ایک صارف بندو رائے کہتی ہیں ’میں اس ملک میں پلی بڑھی ہوں اس لیے یہ بات میرے لیے اہم ہے۔‘ دوسرے صارفین نے ٹویٹر کو ٹویٹ کی کہ وہ اس غلطی کو ’ٹھیک کرے۔‘

ٹویٹر نے اپنے رد عمل میں سارے ممالک کے لیے ہیش فلیگ کا فیچر ختم کر دیا ہے۔ یہ فیچر پہلے سنہ 2010 میں شروع کیا گیا تھا اور گزشتہ سال کے فیفا ورلڈ کپ میں کافی مقبول ہوا تھا۔

اسی بارے میں