بس اڈے پر حملہ، اسرائیلی فوجی اور حملہ آور ہلاک

تصویر کے کاپی رائٹ AFP
Image caption رواں ماہ تشدد کے کئی واقعات میں آٹھ اسرائیلی اور حملہ آوروں سمیت 40 فلسطینی ہلاک ہو چکے ہیں

اسرائیل کے جنوبی شہر بئرالسبع میں ایک بس اڈے پر ہونے والے حملے میں ایک اسرائیلی فوجی مارا گیا ہے جبکہ پولیس کا کہنا ہے کہ ایک حملہ آور کو بھی ہلاک کر دیا گیا ہے جو اسرائیلی عرب تھا۔

اس واقعے کے دوران اڈے پر تعینات محافظ کی گولی سے زخمی ہونے کے بعد وہاں موجود اسرائیلی شہریوں کے تشدد کا نشانہ بننے والا اریٹریا کا ایک شہری بھی زخموں کی تاب نہ لا کر چل بسا۔

اس شخص کو جائے وقوع پر موجود افراد نے غلطی سے حملہ آور کا ساتھی سمجھ لیا تھا۔

یروشلم: خوف اور نفرت سے بھرا شہر

اسرائیلیوں اور فلسطینیوں کے درمیان کشیدگی میں اضافہ: ویڈیو رپورٹ

حرم الشریف کا جھگڑا کیا ہے؟: ویڈیو رپورٹ

فلسطینی مزاحمتی تحریکوں پر ایک نظر: ویڈیو رپورٹ

رواں ماہ تشدد کے سلسلہ وار واقعات میں آٹھ اسرائیلی اور حملہ آوروں سمیت 40 فلسطینی ہلاک ہو چکے ہیں۔

اسرائیلی سکیورٹی فورسز نے غرب اردن اور یروشلم میں سکیورٹی اقدامات کو مزید سخت کر دیا ہے اور یہاں فلسطینی مظاہرین کے ساتھ سکیورٹی فورسز کی جھڑپیں جاری ہیں۔

تصویر کے کاپی رائٹ AP
Image caption اسرائیل نے یروشلم میں داخلے پر پابندیاں عائد کر رکھی ہیں

اسرائیل اخبار ہاریتس نے پولیس سربراہ کے حوالے سے بتایا ہے کہ اتوار کی شب حرہ قصبے سے تعلق رکھنے والا 21 سالہ حملہ آور بدو سنیٹرل بس سٹیشن پر داخل ہوا اور اس نے چاقو زنی اور فائرنگ شروع کر دی۔

پولیس کا کہنا ہے کہ اس حملے میں 19 سالہ سارجنٹ عمری لیوی ہلاک ہوا جبکہ حملہ آور کو بھی گولی مار دی گئی۔

اسی دوران بس اڈے کے محافظ نے وہاں موجود اریٹریا سے تعلق رکھنے والے ایک شخص کو حملہ آور کا ساتھی سمجھتے ہوئے گولی مار دی۔

یہ شخص جب زخمی حالت میں فرش پر پڑا تھا تو وہاں موجود افراد اسے ٹھوکریں مارتے رہے اور وہ بعد ازاں زخموں کی تاب نہ لا کر چل بسا۔

تصویر کے کاپی رائٹ Reuters
Image caption فلسطینی مظاہرین اور اسرائیلی سکیورٹی فورسز کے درمیان جھڑپوں کا سلسلہ جاری ہے

سکیورٹی فورسز نے جوابی کارروائی شروع کی تو حملہ آور بس سٹیشن سے نکلنے میں کامیاب ہو گیا لیکن جوابی فائرنگ میں مارا گیا۔ حملہ آور سے ایک چاقو اور گولیوں سمیت ایک پستول برآمد ہوا ہے۔

مقامی ہسپتال کے مطابق چار پولیس اہلکاروں سمیت دس افراد کو اس واقعے کے بعد ہسپتال منتقل کیا گیا ہے جن میں سے دو کی حالت تشویش ناک ہے۔

مشرقِ وسطیٰ کے لیے بی بی سی کے نامہ نگار یہ حملہ اسرائیلیوں کے لیے اس لیے بھی تشویش ناک ہے کہ یہ حملہ اس کے زیر قبضہ فلسطینی علاقوں میں نہیں بلکہ اسرائیلی علاقے کے اندر ہوا ہے۔

اسی بارے میں