اسرائیلی پولیس کی فائرنگ سے فلسطینی حملہ آور ہلاک

تصویر کے کاپی رائٹ Getty
Image caption حالیہ تشدد کی لہر میں اب تک گیارہ اسرائیلی اور 72 فلسطینی ہلاک ہوچکے ہیں

اسرائیلی پولیس کا کہنا ہے کہ کار کے ذریعے لوگوں پر حملہ کرنے والے فلسطینی شہری کو گولی مار کر ہلاک کر دیا گیا ہے۔

خبر رساں ادارے اے پی کے مطابق پولیس حکام کا کہنا ہے کہ اتوار کو غربِ اردن میں پیش آنے والے اس واقعے میں فلسطینی شہری نے سڑک کے کنارے کھڑے اسرائیلیوں پر اپنی گاڑی چڑھا دی جس کے نتیجے میں متعدد افراد زخمی ہوگئے۔

اسرائيليوں اور فلسطینیوں کي کشيدگی میں اضافہ

فلسطيني مزاحمتی تحريکوں پر نظر

حرم الشریف کا جھگڑا کیا ہے؟

اس حملے کے بعد موقعے پر موجود پولیس افسران نے فائرنگ کر کے حملہ آور کو ہلاک کر دیا۔

برطانوی خبر رساں ایجنسی روئٹرز کے مطابق ایک دوسرے واقعے میں اسرائیلی سکیورٹی گارڈ پر چاقو سے حملہ کرنے کی کوشش کرنے والی فلسطینی خاتون کو گولی مار کر زخمی کر دیا گیا ہے۔

خیال رہے کہ یہ واقعات حالیہ ہفتوں میں جاری تشدد کی لہر کا تسلسل ہیں جس میں اب تک گیارہ اسرائیلی اور 72 فلسطینی ہلاک ہوچکے ہیں۔

فلسطینیوں کے اتنی بڑی تعداد میں مارے جانے پر فلسطینی حکام تشویش کے اظہار کے ساتھ اسرائیلی سکیورٹی اداروں پر ضرورت سے زیادہ طاقت کے استعمال کا الزام لگاتے ہیں۔

واضع رہے کہ یہ حالیہ واقعات ایسے وقت میں پیش آئے ہیں جب اسرائیلی وزیرِاعظم نتن یاہو امریکہ کے دورے پر جا رہے ہیں جہاں پیر کو وہ صدر اوباما سے اپنی ملاقات میں موجودہ کشیدہ حالات پر بھی بات چیت کریں گے۔

اسی بارے میں