ہلیری کلنٹن ’صحت مند اور فِٹ‘ ہیں: ڈاکٹر

تصویر کے کاپی رائٹ Getty

ہلیری کلنٹن کی ڈاکٹر نے کہا ہے کہ وہ امریکی صدر کی حیثیت سے خدمات انجام دینے کے لیے ’صحت مند اور فِٹ ہیں۔‘

ان کی انتخابی مہم نے ان کی طبی معلومات نشر کی ہیں جن کے مطابق ڈیموکریٹ پارٹی کی جانب سے امریکی صدارتی امیدوار نمونیا کی تشخیص کے بعد بحال ہو رہی ہیں۔

اسی دوران ان کے حریف ڈونلڈ ٹرمپ نے بھی اپنی صحت کے بارے میں معلومات ظاہر کی ہیں۔

کلنٹن کا کہنا ہے کہ وہ جمعرات سے دوبارہ اپنی مہم شروع کریں گی۔ وہ گذشتہ اختتامِ ہفتہ اچانک بیمار پڑ گئی تھیں۔

دونوں کا شمار معمر ترین امریکی صدارتی امیدواروں میں ہوتا ہے، اور ان پر خاصا دباؤ تھا کہ وہ اپنی صحت کے بارے میں عوام کو آگاہ کریں۔

اتوار کو 68 سالہ کلنٹن کو نائن الیون کی ایکتقریب کے دوران چکر آ گیا تھا۔

ان کی مہم نے بدھ کو کہا کہ ان کی ڈاکٹر کے مطابق ان کے مکمل طبی معائنے کے نتائج ’نارمل‘ تھے اور ان کی ’دماغی حالت بہت عمدہ ہے۔‘

ڈاکٹر لیزا بارڈیک نے کہا کہ کلنٹن جراثیم کش ادویات اور آرام کے بعد رو بہ صحت ہو رہی ہیں۔‘

تصویر کے کاپی رائٹ Getty
Image caption ٹرمپ نے ڈاکٹر آز شو میں انکشاف کیا کہ وہ طبی طور پر موٹے ہیں

کلنٹن کی مہم نے کہا کہ ان کی چھاتی کے ایکس رے سے ’معمولی، غیر متعدی بیکٹیریل نمونیا‘ ظاہر ہوا ہے۔

دوسری جانب ٹرمپ نے کہا ہے کہ وہ اپنے ایک حالیہ طبی معائنے کی رپورٹ اسی ہفتے جاری کریں گے۔

فی الحال انھوں نے ڈاکٹر آز شو میں ایک صفحے پر مشتمل تفصیلات پیش کی ہیں۔

ٹرمپ مسلسل کہتے آئے ہیں کہ کلنٹن کے پاس صدر بننے کے لیے درکار جسمانی اور ذہنی قوت نہیں ہے۔

تاہم کلنٹن کے حامیوں کا کہنا ہے کہ ان کے مخالفین ان کی صحت کے بارے میں ایک ’پاگلانہ سازشی نظریہ‘ پھیلا رہے ہیں۔

اسی بارے میں