مخدر ماده لرگه قرشی کورشده روسیه یاردمی

کوکناره زار
Image caption ویکتور ایوانوف :طالبان حکومتی اغدریلگندن بیری مخدره ماده لرایشلب چیقاریلیشی 40% آرتگن

افغانستان ده گی بنگوار ماده وضعیتی نی تیکشریش اوچون کابل گه کیلگن روسیه نینگ یوقاری ملازملریدن بیری، طالبان حکومتی اغدریلگندن بیری مخدره ماده ایشلب چیقاریلیشی نی 40% آرتکنینی ایتکن.

روسیه نینگ مخدره ماده لرگه قرشی کوره شووچی اداره سی نینگ رئیسی ویکتور ایوانوف، بی بی سی بیلن بولگن صحبتیده، افغانستان ده گی مخدره ماده لرگه قرشی یولگه قوییلگن کوره شنی سلبی تآثیر اوتکزگنینی معلوم قیلگن.

اونگه کوره، 2001 ینچی ییلی طالبان حکومتی تاخته تیلگن مخدره ماده ایشلب چیقاریلیشی، قیته دن اوروشلر دوام ایتیشی بیلن کوپلگن.

ایوانوف جنابلریگه کوره، افغانستان ده گی مخدره ماده لرگه قرشی کوره ش، تورلی خیل توسیقلر بیلن دوچ کیلماقده. شو یوزدن اوچون ایوانوف جنابلری اوشبو کوره ش ده حصه قوشگن دنیا هم جمعیت مملکت لرینی جدی راق یانداشیش گه چقیردی.

ایوانوف: "بیزنینگ نظریمیزدن ناتو کوچلری مخدره ماده سی قاچاق بوله یاتکن یوللرنی باغلش گه جدی حرکت قیلیشی کیرک. چونکه افغانستان ده گی اوروشلرنینگ دوام ایتیره یاتکن عامل لردن بیری شو مخدره ماده سی. بو ایش اوچون ناتو نینگ ایترلیچه امکانیتی بار. باشقه تماندن افغانستان ده گی تینچلیک نی سقلش مسئولیتی هم ناتو نینگ ضیمه سیگه توشگن. دیمک، بو اولکه ده مخدره ماده نی اورته دن ایلتمسدن توریب، تینچلیک نی برقرار قیلیش امکان سیز دیر. دیدی ویکتور ایوانوف."

روسیه نینگ مخدره ماده لرگه قرشی کوره شووچی اداره سی رئیسی گه کوره، هرچند اوتکن بیر نیچه ییل دن بیری افغانستان ده گی کوکنار ایکیمی نی آلدنی آلیش اوچون انچه سعی و حرکت لر یولگه قوییلگن.

اما بو فعالیت لر وقتینچه لیک بولگنی باعث، جدی اوزگریش کیلتیریشگه قادر بولمه گن. شو یوزدن ایوانوف جنابلری افغانستان ده گی مذکور معمانی توبدن یوقاتیش اوچون روسیه، آسیا و اروپا بیرلیگیده جدی اعتبار قره تیلیشینی طلب ایته دی.

روسیه ملازمی گه کوره، اونینگ دولتی بنگوار ماده معماسینی تاخته تیش اوچون، کیلگوسی ییل 250 کیشی حربیلرنی مخصوص مشق دن اوتکزیشینی سوز بیردی.

ایوانوف جنابلری، کورشچن حربیلرنی تیارلش مخدره ماده معماسینی آلدینی آلیش اوچون ایچیم یول دیب، بیله دی. حاضر روسیه ده بیر یریم میلیون گه یقین انسان لرنی مخدره ماده گه اویوشگنلیگی ایتیله دی.