کنکورسناو نتیجه سی اعلان قیلندی

کنکور سناو
Image caption بابری جناب لریگه کوره 43 مینگ طلبه افغانستان ده گی عالی اوقودرگاه لری و شونگه اوخشش اوقوتوچی لرنی تیارلش کبی عالی درگاه لرده قبول بولگن لر.

افغانستان ده گی عمومی کنکور امتحانی نتیجه لری بوکون اعلان قیلنگن.افغانستان عالی اوقو یورتلر وزیرلیگی تامانیدن اعلان قیلنگن رقم لرگه کوره،43 مینگ دن آرتیق طلبه مملکت ده کی تورلی عالی درگاه لر و باشقه عالی اوقو مرکزلریگه جلب ایتلگنلر.

کابل ده یولگه قوییلگن مطبوعات یغنیده صحبت لشگن ،عالی اوقو یورت لر وزیرلیگی معاونی عثمان بابری،1388 ییلیده کی کنکور سناویده 88 مینگ طلبه قتشگنینی معلوم قیلگن.

بابری جناب لریگه کوره 43 مینگ طلبه افغانستان ده گی عالی اوقودرگاه لری و شونگه اوخشش اوقوتوچی لرنی تیارلش کبی عالی درگاه لرده قبول بولگن لر.

افغانستان عالی اوقو یورتلر وزیرلیگی حساباتی گه کوره ، قبول بولگن طلبه لرنینگ 76 فایزنی ایرککلر و 24 فایزنی قیز طلبه لر تشکیل بیره دی .

عالی اوقو یورتی وزیرلیگی معاونی گه کوره قبول بولگن قیزلرنینگ اکثریتی کابل، هرات و بلخ ولایتده گی عالی اوقو درگاه لرده جذب ایتلگن .

بابری جناب لری نینگ ایتیشلریچه داوطلب لردن یرمی عالی درگاه لرده وقالگن لری ایسه معلم لرنی تربیه لش و ملهکه لی بیلم لر موسسه لریگه قبول قیلنگن.

بابری جنابلری عالی درگاه لرده قبول قیلنگن طلبه لر سانی اوتگن ییلگه نسبتا یوقاری بولگنینی ایتشسه دی ، کنکور سناوده قبول قیلنگن طلبه لرنینگ عمومی سانی اوتگن ییلگه نسبتا پس دیر.

اوتگن ییلی کنکور سناوده قتنشگن 80 مینگ طلبه دن 57 مینگ طلبه عالی درگاه لرده قبول قیلنب آلینگندی .

مینگلب کنکور داوطلب لرنینگ عالی درگاه لرده قبول بولمگن لیکلری اکثریت اوچون اساسی خواطر لردن بیری حساب لنه دی.