کرزی حکمتیار هیئتی بیلن اوچرشدی

کرزی
Image caption گلبدین حکمتیار تامانیدن مذاکره اوچون کابلگه کیلگن هیات حامد کرزیگه 14 بنددن عبارت بولگن بیر طرحنی هم تقدیم قیلگن

جمهورریس سوزچیسی نینگ اورن باسری سیامک هروی کابلده کیلگن اسلامی حزبی نینگ بیرگروه هیاتینی حامدکرزی بیلن اوچره شگنینی تصدیقله دی ، عینی حالده اوشبو هیات تمانیدن مذاکره اوچون بولگن برطرح نی هم حامدکرزیگه تکلیف ایتیلگنینی معلوم قیلدی. اما هروی جنابلری اوشبو هیات تمانیدن ایلگری سوریلگن تکلیف نیمه لردن عبارت بولگنی حقیده معلومات بیرشدن باش تارتدی.

عینی حالده تینچلیکنی مستحکم لش کمسیو نینگ ادرای مسولی حاج محمد اکرم اوشبو هیات نینگ تینچلیکنی مستحکم لش کمسیون باشلیغی صبغت الله مجددی بیلن اوچره شگنینی اورغولب حاضرگه قدر هم هیات نینگ کابلده ایکنینی معلوم قیلدی.

بوندن بیرکون الدین اوزینی اسلامی حزبی سوزچیسی دیب تانشترگن هارون زرغون اسلامی حزبی نینگ مذاکره اوچون بولگن طرحینی 16 بند دن عبارت بولگنینی قیدایتگن ایدی.

عینی حالده خارجی کوچلرنینگ التی اییده بوتون افغانستاندن چیقیب کیتیشلری افغانستان اساسی قانونیگه اوزگریش کیلتریش، شونگه قوشیمچه ،وقتینچه لیک طرف سیز بیر حکومت قوریلیشی اوشبو طرح نینگ اساسی بندلریدن عبارت بولگنینی تاکیدله گن ایدی.

شرط لرنینگ قبول قیلنیش امکانیتی

اما تینچلیکنی مستحکم لش کمسیون نینگ اداری مسولی حاج محمد اکرم اسلامی حزبی هیات تمانیدن ایلگری سوریلگن تکلیف نینگ برچه سینی حاضرگی شرایطده قبول ایتلیشی ناممکن لیگینی اورغوله دی.

باشقه تماندن ایسه اکرم جنابلری اوچره شولر جریانیده اوشبو طرح نینگ ایریم بندلریگه اوزگریش کیلیشگه هم امیدی بیلدردی.

اسلامی حزبیگه علاقه دار بولگن پارلمان کینگاشیده اورن الگن ملت وکیللریدن خالد فاروق هرایکله تمان نینگ فکر ملاحظه لریگه ایریم اوزگریشلر کیلگنینی تاکیدلب، مذاکره اوچون کوریب چیقله یاتگن یول یوروق لرنی قندی بیر نتیجه گه ایریشیشگه امید بیلدرگن.

مسول کیشیلرگه کوره بوندن الدین هم اسلامی حزبیگه علاقه دار بیرگروه هیت کابلده سفرقیلیب تینچلیک نی مستحکم لش کمسیون مسولی صبغت الله مجددی عینی حالده جمهورریس کرزی بیلن اوچره شگن.

خوب شوندی اوچره شولر رسمیلر تمانیدن تصدیق لنرایکن اما اسلامی حزبی تمانیدن مذاکره اوچون بولگن طرحی نینگ کرزی تمانیدن قندی کوتیب الینگنی باره سیده اچیقچه معلومات یوق.