امریکا ده ساغلیق لایحه سی قبول قیلندی

اوباما
Image caption جمهور رئیس باراک اوباما ماموریتی مملکت ساغلیقنی سقلش تزمینی اصلاح قیلیشنی اینگ اساسی مقصدی قیلیب آلگندی .

امریکا قوشمه ایالاتلری کانگرسی آخرگی بیر نیچه اون یلیکده گی اینگ مهم دییه کوریله یاتگن قانونی لایحه سنی تصدیق له دی. جمهور رئیس باراک اوباما نینگ ساغلیق نی سقلش باره سیده گی قانون لایحه سی ینه 32 میلیون امریکا لیکنی ساغلیق سوغرته سی بیلن تامین لشینی نظرده توته دی .

جمهور رئیس باراک اوباما ماموریتی مملکت ساغلیقنی سقلش تزمینی اصلاح قیلیشنی نظرده توتوچی قانون لایحه سینی کوچگه کیرکیزشنی اوزی نینگ اینگ اساسی مقصدی قیلیب آلگندی .

اینگ بحث لی قانون لایحه سی

ساغلیقنی سقلش تزمینی اصلاح قیلیشگه قره تیلگن قانون لایحه سینی تصدیق دن اوتکزیش اوچون دیموکراتلر حزب نی کانگرسنینگ 216 تدن کوپراق اعضا سی دستکلشی کیرک ایدی .

اوزاق دوام ایتگن قزغین بحث لرنتیجه سیده کانگرس نینگ 217 ته وکیلی قانون لایحه سنی یوقلب و 212 وکیلی قرشی آواز بیردی .

جمهور رئیس اوباما آواز بیریش جریانینی آق اویدن کوزه تیب تورردی .او قانون لایحه سی نینگ تصدیقدن اوتیشنی "تاریخی حادثه " دیب اتدی .

" آره دن دیرلی یوز ییل دوام ایتگن مذاکره و امید سیزلیکلر آرتیدن امریکا، ایشچیلر و کیچیک تدبیرکارلری ساغلیقنی سوغرته قیلوچی قانونی تصدیق لهدی .بو-تاریخی حادثه،"دیب ایتدی جمهور رئیس اوباما.

ساغلیقنی سقلش جمهور رئیس اوباما ایچکی سیاستده اساسی اعتبار قره تگن ساحه لردن بیری حسابلنه دی.اولراق جمهور رئیس کیلنتون اوشبو ساحه نی اصلاح قیلیشگه موفق بوله آلمهگندی.

جناب اوباما نینگ ساغلیق تزمی نی اوزگرتیریشگه قره تیلگن اورنیشلری دستلب اگوست ده یوز بیرگن اقتصادی ، انقراض طفیلی کیچیکترلگندی.

اصلاحات اهمیتی

Image caption قوشمه ایالاتلر ساغلیقنی سقلش تزمی خذمتلری و دارو-درمانلر اوچون2.2 تریلیون دلار اچره تدی .

ساغلیق تزمیده اصلاحاتلر اوتکزیشی احتیاجی امریکاده 45 میلیون آدم نینگ ساغلیق سوغرته سیگه ایگه ایمسلیگی بیلن ایضاحلنهدی .

قوشمه ایالاتلر ساغلیقنی سقلش تزمی خذمتلری و دارو-درمانلر اوچون2.2 تریلیون دلار اچره تدی .

بو مملکت یلپی ایچکی محصولاتی نینگ 16 فایز گه تینگ دیگنی دیر .ینگی قانون لایحه سی قوشیمچه 32 میلیون امریکا لیکنی طبی سوغرته بیلن تامین لشنی مقصد قیلگن.

ینگی قانوننی عملده جاری ایتیش اوچون قوشیمچه 940 میلیارد دلار کیرک بولهدی.

جمهوریتچی لر یخشی کورمهگن موضوع

جمهوریتچی لر یکدللیک بیلن ساغلیق تزمینی اصلاح قیلیشگه قره تیلگن قانون لایحه سیگه قرشی چیقیب کیلیشهیاتگندی.

اولرگه کوره، ساغلیق تزمیده اصلاحات اوتکزیش اقتصادیگه هلاکتلی تاثیر کورستدی.

جمهوریتچی لر نینگ ایشانیشچه ،بونچه ییریک مقدار ده گی مبلغ نینگ صرف لنیشی عملده مملکت اقتصادی نینگ ییرک قسمی حکومت نظارتیگه اوتیشنی انگلهتدی .

جمهوریتچی لر اقتصادیاتده خصوصی سکتور لرنینگ مطلق حکمراق بولیب قالیشنی استشهدی.