چین گوگل قراریدن غضبده

گوگل
Image caption چینده توریب گوگل ده بیرار سوزنی قیدیرگن کیشی هانکانگده گی گوگل ویب-سایتیگه یونلتیریله دی

گوگل نینگ چینده گی انترنیت قیدیروویده جاری ایتگن سانسورنی بیکار قیلیشی حقیده گی قرارینی رسمی پیکن غضب بیلن قرشی آلدی

گوگل ..چینده انترنتده قیدیرووگه بوندن کیین فلتر یا توسیق قویشنی توخته تیشی حقیده اعلان قیلدی، ایندی چینده توریب گوگل ده بیرار سوزنی قیدیرگن کیشی هانکانگده گی گوگل ویب-سایتیگه یونلتیریله دی

چین حکومتی ایسه هانکانگ ده گی ویب-سایت گه توسیق قوییشنی کوچیتیرگن

چین نینگ انترنیت نی باشقریشی گه مسؤل اداره سی اعلان قیلیشیچه ، "گوگل چین بازاریگه کیریب کیلگن پیتیده بیرگن یازمه وعده سینی بوزگن"

رسمی پیکین گه کوره ، گوگل بو عملی بیلن چین قانونلرینی بوزماقده

گوگل نینگ چین ایچکریسیده انترنیتگه چیکلاو جاری ایتگنی تنقید گه سبب بولگن.

رسمی پیکین بیلن گوگل شرکتی اورته سیده قطار مسئله لرده کیلیشماوچیلیکلر هم یوزه گه چیققن.

شو ییل باشیده گوگل شرکتی "سروریگه " هاکرلر هجومی یوز بیرگن ، شرکت بونده چیننی عیبله گن .

بی بی سی نینگ پیکین ده گی مخبردامین گراماتیکاس نینگ یازیشیچه ، گوگل نینگ چین حدودیده اینترنیت-قیدیروو عملینی توخته تیشی مملکت نینگ خلق ارا موقفیگه جدی ضربه دیر

بو جهانده گی اینگ موفقیتلی بیزنیس شرکتی چین گه اینترنیتمی سانسور قیلیشده کمکلشماقچی ایمسلیگینی انگله ته دی .

چین تشقی ایشلر وزیرلیگی ملازمینینگ بیلدیریشیچه ، گوگل نینگ اوشبو حرکتی گه باشقه لر تمانیدن حددن زیاد سیاسی توس بیریلمسه، چین بیلن قوشمه ایالتلر اورته سیده گی مناسبتلرگه تاثیر کورستمیدیگن بیر شرکت نینگ تجاری قدمی دیر