"افغانستانده سل کسللیگی خواطرلی"

دکتور  ثریا دلیل
Image caption دکتور ثریا دلیل سل کسللیگی بوییچه افغانستان ده کی وضیعتنی اوته خواطرلی دیب تعریفله گن

افغانستان ساغلیک رسمیلری نینگ بیلدیریشیچه ، جهان بویلب سل کسللیگی ترقلگن مملکت لر اورته سیده افغانستان ایککینچی اورینده تورگن . افغاستان ایککینچی اورینده تورگن رویخطده باشقه 22 ممکت موجود

خلق ارا توبرکلوز یا سل کسللیگیگه قرشی کروش کونی مناسبتی بیلن کابده نطق ایراد قیلگن عامه ساغلیک وزیر ی ننیگ وظیفه سینی بجروچی دکتور ثریا دلیل سل کسللیگی بوییچه افغانستان ده کی وضیعتنی اوته خواطرلی دیب تعریفله گن

بو ییل افغانستان دولتی سل کسلیگیگه قرشی کورشنی شدتلنتیریش شعاری بیلن ینگی عملیاتنی باشلشنی اعلان قیلگن.

جهان ساغلیکنی سقلش تشکیلاتی نینگ معلموماتیگه بناء افغانستان ده هر ییلی 51000 انسان ننیگ سل کسللیگیگه مبتلا بولیش حاللری کوزه تیله دی و اولردن 33 مینگینی عیال لر تشکیل بیره دی .

شو ننیگ دیک افغانستان عامه ساغلیک وزیر ی دکتور ثریا دلیل گه کوره هر ییلی 9 مینگ کیشی افغانستانده سل کسللیگی طفیلی حیاتدن کوز یوممه دی .

مراسمده اشتراک ایتگن افغانستان جمهور رئیسی ن ینگ معاونی مارشال محمد قسیم فهیم هم افغان خلقیدن ، سل کسللیگیگه قرشی کورشنی جدی قبول قیلیشلرینی سوره گن

عامه ساغلیک وزیرلیگیگه کوره ، سل کسلیگیگه قرشی یاردم گروه لری تشکیل ایتیلگن اولر خلقگه آگاه لیک بیریش وظیفه سیگه ایگه لر

افغانستان حکومتی 2002 نچی ییلدن بیری سل کسللیگه قرشی کورش برنامه لرینی یولگه قوییب کیلماقده و دولت حساباتیگه کوره ، اولر 2009 نچی ییلگه چه سل کسلیگیگه مبتلا بولگن لر دن 70% رویخطدن اوتکزیشگه قادر بولگن

خلق ارا تشکیلاتلرگه کوره ، هر ییلی دنیا بویلب 9 میلیون انسان سل کسللیگیگه مبتلا بوله دی و اولردن 2 میلیون نفری اوشبو کسلیک باعث حیاتدن کوز یومه دیلر