ایلک اوچوچی امریکا لیک اوچاغنی باشقرگن

افغان و امریکا لیک کوچلر
Image caption اوتگن بیرنیچه ییلدن بویان افغانستان ده گی امریکا لیک حربیلری افغان اوچوچی لرنی تیارگرلیک لردن اوتکزیب کیلماقده .

افغانستان ده بیرینچی مراتبه بیرافغان اوچوچی سی امریکا لیک حربی اوچاقنی باشقرقگن.عینی اوچوچی امریکالیک حربیلرتامانیدن تیارگرلیکلردن اوتکزلگن ایلک افغان اوچوچی سی دیر.

افغان حربی لری گه کوره بوقدم مملکت هوایی کوچلرینی کوچیترلیشی یولیده قوییلگن مهم باسقیچ دیر. امریکا لیک اوچاقنی افغان اوچوچی سی تامانیدن باشقرلیشی مراسمی،افغانستان ملی اوردو کوچلری نینگ کابل هوا قونلاغه سیده گی قرارگاه ده بولیب اوتگن.

یولگه قوییلگن مراسمده افغان اوچوچی سی برینچی اولراق امریکا لیک- سی- 27 اوچاق نینگ خصوصیت لرنی افغانستان حربی کوچلر قوماندانی گه شرح بیرگن.امریکا لیک لر تامانیدن تربیه لنگن برینچی افغان اوچوچی سی ، کابل دن قندهار گه تامینات تاشوچی امریکا لیک اوچاقنی باشقرگن .

"قوتلوق کون"

افغانستان ملی اوردو کوچلر باش قوماندانی جنرال بسم الله محمدی گه کوره ،بوحالت افغانستان هوایی کوچلری نینگ مستقل بولیشی یولیده کوترلگن ایلک اساسی قدم دیر.

عینی مراسمده صحبت لشگن جناب محمدی نینگ ایتیشچه :" بوکون بیز وبرچه اوردو کوچلری اوچون اوته بختلی کون دیر.بیز امریکا لیک اوچاقنی برینچی افغان اوچوچی سی تامانیدن باشقرلیشگه گواه بولماقده میز .بوحالت ایسه اوردو نی تورلی ساحه لرده کونده لیک فعالیت لریده ییریک یاردم بیره دی . "

افغانستان هوای کوچلری اوزاق ییللردن بویان روسی حربی اوچاق لرنی اوز فعالیتلریده قوللنیب کیلگن لر ،بیراق عینی اوچاق لرافغانستان ده گی تورلی جنگ لرده بوتونلی ویران بولیب کیتگن.

اوتگن بیرنیچه ییلدن بویان افغانستان ده گی امریکا لیک حربیلری افغان اوچوچی لرنی تیارگرلیک لردن اوتکزیب کیلماقده .

قبول قیلنگن لایحه گه کوره ، یوزلب افغان اوچوچی لری امریکا لیک لر تامانیدن تیارلنیب، موجود روس اوچاق لری امریکا لیک اوچاقلری بیلن المشیش کیرک. بیراق بو لایحه حاضرگچه اوته آهسته سیکن لیک بیلن عملگه آشیرلماقده.

افغانستان هوای کوچلرنی تیارگرلیک لردن اوتکزه یاتگن امریکا لیک حربی مسوللردن بولمیش جنرال مایکل بوئرا نینگ ایتیشچه :" هوایی کوچلرنی بیرکیچه کوندوز ایچیده قوریش امکان سیز بیر نیرسه .امریکا لیک سی-27 اوچاغینی باشقریشگه قادر بولگن ایلک افغان اوچوچی سی نینگ تیارلنیشی اوچون اوچ ییل وقت صرف لنگن. برینچی اولراق اوچوچی انگلیس تیلنی اورگنیش کیرک بولگن.سونگی ایککی آیی مابینیده بو اوچوچی سی- 27 اوچاغینی باشقریش اوچون جدی مشق تیارگرلیک لردن اوتیب کیلگن."

اونگه کوره حاضرده بیر اوچوچی تیارلنگن ، کیلجکده یوزلب افغانستان لیک اوچوچی لر تیارگرلیک لردن اوتیب هوایی کوچ لر صفی گه قوشله دی .

افغانستان هوایی کوچلری حاضرده 46 اوچاققه ایگه ، امریکا لیک لر افغانستان ده گی اوچاق لر سانینی کیله سی آلتی ییل ایچیده 140 ته گه کوپیترماغچین.