بیش تن مهمات فاریاب ولایتدن تاپلگن

روس لر پیتدن قالگن قوراللر
Image caption قولگه کیرتلگن مهماتلر، روس لر زمانیدن قالگن بولیشی ممکن لیگی ایتلماقده

افغانستان شمالیده گی قورال سیزلنتریش دستوری خادم لری فاریاب ولایتی نینگ خواجه پایتخت منطقه سیدن 5 تن گه یقین مهماتنی قولگه کیلتریشگن.

افغانستان شمالیده گی قورال سیزلنتریش دستوری نینگ باشلیغی، سید امیر سادات جنابلریگه کوره، بیش تن گه یقین مهمات قورال سیزلنتریش دستوری خادم لری بجرگن سعی وحرکت سبب لی تاپلگن.

سادات جنابلرینی تاکیدلهشیچه اوشبو مهمات لر آره سیده تورلی خیل آغیر و ینگیل قوراللر جمله دن ده شکه ، توپ ، آوان و کلاشینکوف اوقلری موجود.

افغانستان شمالیده گی قورال سیزلنتریش دستوری نینگ مسوللرینی ایتیشچه ، بو اوقلر قچان و کیم لر تمانیدن یشیرینگن بولیشی ممکن لیگی حاضرگه چه انیق ایمس، اما کو رلیشچه بو مهمات لر اکثرا روس قوراللری ایکن لیگی اوچون افغانستان ده گی اوزون مدت لیک ایچکی اورشلردن قالگن بولیشی ممکن.

افغانستان شمال غربی ولایت لریده گی قورال سیزلنتریش دستوری نینگ مسولی، سید امیر سادات نی تاکیدلهشیچه، قولگه کیلگن بیش تن لیک مهماتلر بیرینچی اوله راق قورال سیزلنتریش دستوری و افغانستان ایچکی ایشلر وزیرلیگی رسمیلری تمانیدن کوریب چیقله دی.

ایشگه یره یاتگان مهماتلر ایسه فایده له نیش اوچون افغانستان خوف سیز لیک کوچلریگه تسلیم بیرله دی، قالگن ایشگه یره مه یاتگان اوقلرایسه قورال سیزلنتریش دستوری مسوللری تمانیدن نابود ایتله دی.

سید امیر سادات جنابلریگه کوره، اگر منه شو مقدارده گی مهمات یا اوقلر طالب لر و یا باشقه عصیانچیلر قولیگه توشگنده، اافغانستان شمالیده گی ولایت لر اوچون ایریک تهدید گه سبب بولیشی ممکن ایدی.

قورال سیزلنرتیش دستوری مسولرینی ایتشیچه، افغانستان حکومتیگه مخالف قوراللی گروه لر ، ایرم منطقه لرده منه شوندی سابقدن قالگن قورال اسلحه لردن فایده لنه یاتگان بولیشی ممکن.

اولرگه کوره، افغانستان حکومتی ایسکی دن قالگن قورال اسلحه لرنی مخالف لر قولیگه توشیشنی آلدینی آلیش اوچون کیرک لی چاره تدبیرلرنی نظر گه توتیشی لازم.

افغانستان ده گی اوزون مدت لیک ایچکی اوروشلر سبب لی او شبو مملکت نینگ تورلی نقطه لریده ناقانونی کوپلب قورال اسلحه لر موجود. هر چند افغانستان حکومتی ناقانونی قورال اسلحه لرنی توپلب آلیش اوچون کوپلب سعی وحرکت کورسه تیب کیلگن اما شونگه قره مسدن افغانستان حکومتی حاضرگه چه ناقانونی قورال اسلحه لرنی بوتونلی توپلب آلیشگه موفق بولگنی یوق.