افغانستانده چرس ایکینی کوپیگن

تریاک

بیرلشگن ملتلر تشکیلاتی کوپلب دهقانلرنینگ چرس ایکنیگه روی کیترگنیدن خواطر بیلدریب بوخصوصده جدی کوره شیش لازم لیگینی اورغوله دی.

بیرلشگن ملتلر تشکیلاتی مخدره ماده لرگه قرشی کوره شیش اداره سی، افغانستان نینگ ایگرمه ولایتیده اوتگزگن تیکشرویده اون یتی ولایتده کوپلب دهقانلر چرس ایکیش و چرس ایشلب چیقاریش بیلن شغلنیب کیله یاتگنینی معلوم قیلگن.

عینی حالده اوشبو تشکیلات حساباتیده یازیلشچه چرس بوته سی کوپراق مملکت نینگ جنوب وشرقی حدودلریده ایکلیب، اینگ از قرق مینگ افغان خودی شوماده نی ایشلب چیقاریشی بیلن بند بولگن.

شونینگ دیک چیقاریلگن حساباتده اینگ آز 70000 هکتارلی ییرگه چرس ایکلیب اورته له مه هرییلی 3500 تَن چرس ایشلب چیقاریلیشی قید ایتیلگن.

افغانستان مخدره ماده لرگه قرشی کوره شیش وزیرلیگی اوشبو حساباتنی تصدیق لب هلمند، ارزگان، نیمروز، زابل، فراه و قندهار ولایتلریده کوپ مقدارده چرس ایکلیب کیله یاتگنینی معلوم قیلدی.

شونگه قوشیمچه اوشبو وزیرلیک اورن باسری انجنیر ابراهیم بونگه اساسی سبب اوشبو ولایتلرده کی حکومتی اداره لرنینگ کوچ سیزلیگی، همده خوف سیزلیک یمان لیگی دیه فکر بیلدردی

شونینگ دیک ابراهیم جنابلری، چرس ایکنینی آلدینی آلیش اوچون پالیسی ایشلب چیقاریلشینی معلوم قیلیب بونگه قرشی کوره شیش اوچون اینگ آز اوتیز ملیون امریکا لیک دالرگه احتیاج بارلیگنی قیدایتدی.

عینی حالده افغان رسمیلری چرس ایکنینی آلدینی آلیش اوچون دنیاهم جمعیت مملکت لری نینگ ایترلی همکارلیک قیلیشگه چقیردی.

اوتگن بیرنیچه ییلدن بیری تریاک ایکینی عینی حالده مخدره ماده لر قاچاقی افغانستان نینگ اساسی معمالردن بیری دیب کورسه تیلیب کیلگن.

اما بیرلشگن ملتلرتشکیلاتی چرس ایکینی اوچون ایلک بار اوتکز گن تیکشرویده هرییلی اینگ آز افغانستان بویلب 70000 هکتار ییرگه چرس ایکلیب کیله یاتگنیدن جدی خواطر بیلدریب، تریاک دن سونگ چرس نینگ ایکنچی اورنده تورگن معمالردن بیری دیه اورغله گن.