"سیلاوقلالبلیکلریده بیرلشگن مللتلرعیبدار"

کرزی
Image caption ، سیلاو لر چاغیده کینگ کولمده قلالبلیک یوز بیرگن اما بونی افغانلر ایمس، بلکی خارجلیکلر عملگه آشیرلگن

افغانستان جمهور رئیسی حامد کرزی اوتگن ییل کوپ بحثلرگه سبب بولگن سیلاو لرنی کوزتگن خارجی کوزه توچیلرنی قلالبلیکده عیبلهگن.

جناب کرزی گه کوره ، سیلاو لر چاغیده کینگ کولمده قلالبلیک یوز بیرگن اما بونی افغانلر ایمس، بلکی خارجلیکلر عملگه آشیرلگن.

او بیرلشگن مللت لر تشکیلاتی نینگ افغانستان ده گی ماموریتی رهبری معاونی پیترگالبرایت یککهلب ، عینا اونینگ اداره سیده قلالب لیکلرنینگ مرکزی بولگنینی ایتدی.

جناب کرزی شونینگ دیک سیلاو چاغیده اوروپا اتفاقی کوزه توچیلری رهبری بولگن استعفاده گی فرانسه لیک جنرالی فیلیب موریا نینگ قلالب لیک لرگه علاقه سی بارلیگنی ادعا قیله دی.

"بوحقیقت، برادرلر، شونینگ اوچون هم مین سیلو کمیسیونی اعضالری خذمتنی استب کیلدیم .هم جمهور رئیس لیک و هم محلی سیلولرده قلالبلیک بولگن.شبهه هم یوق بوکینگ کولمده یوزبیرگن.بو فریب گرلیکنی افغانلر ایمس،اونی گالبرایت و موریلن عملگه آشیردی.افغان خلقی نینگ بیرگن آوازلری ایمس ایلچی خانه نظارتیده ایدی." دیدی افغانستان جمهوررئیسی حامد کرزی

جناب گالبرایت بیرلشگن مللت لر تشکیلاتی نینگ ایرکین و عدالتلی سیلاو یولیده افغانستانگه ایترلی باسیم اوتکزمه یاتگنینی ایتب ،اوتگن ییل استعفاگه چیققندی.

بیرلشگن مللت لر مناسبتی

بیرلشگن مللت لر تشکیلاتی حاضرگچه کرزی عیب لاولریگه بیران-بیر مناسبت بیلدرمهگن.

بیراق بیرلشگن مللت لر تشکیلاتی نینگ سابق وکیلی معاونی پیترگالبرایت بی بی سی بیلن صحبتده اوزیگه قرشی قوییلگن عیبلاولرنی رد ایتیب بوچگه چیقرگن.

" بو خبرنی ایشتیش بیلن بیرینچی اولراق اپریل آیی نینگ برینچی کونی یعنی احماقلرکونی عزل بولیشی ممکن دیب اویله دیم.بیراق کیینچهلیک حامد کرزی بیلن عزل قیله دیگن درجه ده یخشی علاقه بولمه گنینی سیزدیم." دیب ایتگن پیترگالبرایت

اونینگ ایتیشچه سیلولر جریانیده بیرلشگن مللت لر تشکیلاتی آوازلرنی اوغیرله دی دیگن عیبلاولر ، سیلاو لرنینگ قلالب لیک لر گردابی گه باتگنینی دلالت بیروچی ینه بیر دلیل دیر.

جمهور رئیس حامد کرزی حاضرده ، سیلاو شکایت کمیسیونی اعضا لرنینگ برچه سینی اوزی تعین قیلشی اوچون پارلمان بیلن قدرت تلماقده.

پارلمان اعضا لری بوندن اولراق حامد کرزی نینگ سیلاو قانونیده ایرم اوزگریشلرنی کیلتریشنی خواهله گن فرمانی پارلمان اعضالری تامانیدن رد ایتلگندی.

افغانستان جمهور رئیسی عینی دمده خارجی لرنی پارلمان مساله لریده اره لشیشنی ادعا قیلیب ، فرمان نینگ پارلمان تامانیدن رد ایتلیشنی اساسی قانونگه ضدبیر عمل بولگنینی ایتگن.