باش قاره لاوچی اهالی معمالرینی ایچیش نیتده

افغانلر
Image caption افغانستان باش قاره لوچیلیک اداره سی ایچلمی قالگن معما لر عریضه لرنی کوریب چیقماغچین.

افغانستان باش قاره لوچیلیک اداره سی ، مملکت بویلب اهالینی شکایت و عریضه لرینی ایشتیش اوچون اوز نماینده لرینی افغانستان نینگ تورلی ولایت لریگه جونه تیشگن.

باش قاره لوچیلیک یا لوی سارنوال لیک اداره سی نینگ یوقاری مرتبه لی اعضالریدن بولمیش بو هیات افغانستان جمهور ریسی حامد کرزی نی اداری فسادگه قرشی چیک قویشی فرمانی اساسیده ولایت لرگه سفر بر ایتلماقته.

"افغانستان جمهور ریسی فرمانی اساسیده، هر بیر وزیر یا مستقل اداره باشلیغی ، ولایت لرده گی اوز نماینده لیک لری باریگه اولر ایشلرینی کوریب چیقیش لری و ایشلردن نظارت ایتیش لری کیرک لیگی تاکیدلنگن.شونینگ دیک فرمانده اهالینی شکایت و عریضه لریگه هم توغریدن توغری قولاغ آسیش لری اورغولنگن. ولایت لرگه باره یاتگان هیات اوز امکانی دایره سیده بعضی معمالر نی حل قیلیشگه اورینه دی، اگر مشکل اولر بیلن حل بولسمه اوندن کیین، مسله گه جدی راق یانده شیش اوچون کابل گه الیب کیله دیلر ." دیدی افغانستان باش قاره لوچیلیک اداره سی معاونی رحمت الله نظری .

افغانستان باش قاره لوچیلیک اداره سی، معاونی مملکت حج و اوقاف وزیری محمد صدیق چکرینی قولگه آلیش اوچون هم اوشبو اداره کیرک لی اسناد و دوسیه لرنی توپله گن لیگی نی ایته دی.

"بیز بو حقده یترلی اسناد لرگه ایگه میز ، حتی بو پول قییردن قییرگه بارگن لیگی بیزگه معلوم، اوشبو پول بیرنیجه مملکت لرگه باریب ینه کابلگه الیب کیلنگن، اوشبو پول نی انتقال بیرگن شخص شرعی اعتراف قیلگن، انه شو یوز یوزدن بیز بو خصوصده یترلی شرعی سند لرگه ایگه میز." دیدی افغانستان باش قاره لوچیلیک ادره سی نینگ ارون باسری.

حاضرده لندن ده استقامت قیله یاتگان افغانستان سابق حج و اوقاف وزیری، محمد صدیق چکری، افغانستان باش قاره لوچیلیک اداره سی فرمانی اساسیده انترپول پولیسی تمانیدن قولگه الینگن لیگی خبرینی رد ایتب بو اونگه قرشی یولگه قویلگن بیر توطئه ایکن لیگی نی اورغوله دی.

"افغانستان لوی سارونوالیک اداره سی جوده مسولیت سیز شکلده بو خصوصده نظر بیرگن، مین حاضر اوز اویمده من، انترپول پولیسی هم مینی قولگه آلگه نی یوق و مینی قولگه النیشیم خصوصیده هم هیچ بیر دلیل یوق، شونی ایتیشم کیرک کی افغانستان باش قاره لوجیلک اداره سی نینگ اوزی فساد گه باتگن." دیدی سابق حج و اوقاف وزیری محمد صدیق چکری.

افغانستانده گی اداری فساد و پاره خولیک اوشبو مملکت نینگ اداره لریده گی اساسی قیند چیلیک لردن سنه له دی. انه شو یوزدن افغانستان دولتی اوشبومعمانی حل ایتیش اوچون اورنماقته اما اداری فساد افغانستانده چوقور ایلدیز اتگن لیگی اوچون بو معمانی یچیش آسان کیچه مس لیگی ایتله دی