کرزی:اهالی مصلحتی بیلن عملیات یولگه قوییله دی

حامدکرزی
Image caption حامدکرزی اهالی بیلن مصلحت لنیشی آرتیدن طالبان گه قرشی عملیات قندهار ولایتده یولگه قوییلیشنی ایتگن.

افغانستان جمهورریسی حامدکرزی قندهارگه بولگن سفریده اهالی رضایتی بیلن قندهار ولایتیده حربی عملیات نینگ یولگه قویلیشگه ایشانچ بیلدیرگن.

افغانستان جمهوررییسی ایریم کابینه اعضاسی بیلن قندهار ولایتیگه بولگن سفری جریانیده اقسقاللربیلن اوچره شیب امنیت و قیته قوریش خصوصیده صحبت لشگن.

کرزی جنابلری ایراد ایتگن سوزلریده منطقه یشاوچیلری اینقسه اقسقاللرنی امنیتنی توله تامینلش، شونینگ دیک دولتی اداره لرده اصلاحات کیتریش اوچون جدی همکارلیک قیلیشگه چقیرگن.

شونگه قوشیمچه عصیانچیلرنی یوق ایتیش مقصدی بیلن قندهار ولایتیده یولگه قویلیشی کوتیله یاتگن عملیات باره سیده سوزیورتیب، اهالی نینگ اوشبو عملیاتدن خواطرده ایکنینی معلوم قیلگن.

عینی حالده اهالی راضی بولمه گن تقدیرده اوشبو عملیات نینگ یولگه قویلمس لیگی بیلن آگاه لنتیرگن.

قندهار ولایتی نینگ ولایت بیناسیده اویشتریلگن یغینده نه فقط قندهار ولایتی نینگ اقسقاللری بلکه،هلمند ارزگان ونیمروزکبی بیرنیچه ولایت اقسقاللری هم اشتراک ایتگن ایکن.

شونینگدیک کرزی جنابلری اوشبو ولایت نینگ ولایتی اداره لرینی خاص بیرنیچه قوم گه باغلنیب قالمسلیگینی اورغولب ، بوتون افغانستان خلقی نینگ ولایت اداره لریده سهم بیریلشینی تاکیدله گن.

شونگه علاوه حامدکرزی ملی یره شو جرگه سیدن آت توتیب القاعده گروهی بیلن علاقه دار بولمه گن مخالف کیشلرنی تینچ حیاتگه قیتیشلرینی ینه بیر بار تکرار له گن.

ریاست جمهوررلیک سرای تمانیدن ترقه تیلگن بیربیانده افغانستان مدافعه وزیری، ملی امنیت رییسی، ایریم ملت وکیللری قوشیمچه ناتو نینگ افغانستانده کی قوماندانی هم کرزی بیلن قندهار ولایتیگه سفر قیلگن.

امریکانینگ یوقاری حربیلریدن مایک مولن بوندن بیرنیچه کون آلدین قندهارولایتیده میلادی جون آیده مشترک ناملی کینگ بیر عملیات نینگ یولگه قویلیشینی تاکیدلب اوشبو عملیات نینگ روزه آی کیلمی نهایه تاپشینی ایتگن ایدی.

بوندن الدین ایریم امریکا لیک حربیلر ایسه قندهار ولایتیده اداری فسادنی کینگ کولمده موجودلیگینی ایتیب افغانستان دولتی نینگ بوخصوصده جدی اعتبار بیرشینی اورغوله گن ایدی.