هلمنده کی عملیاتده عادی اهالی هم قربان بولگن

هلمند ولایتی نینگ ولایت حاکیمی سوزچیسی داود احمدی اوشبو ولایت نینگ گرشک ولسوال لیگیده یولگه قویلگن عملیاتده تورت عادی اهالیی قربان بولگنینی تصدیق له دی.

ونگه کوره قربان بولگن لردن ایکته سی عیال بولگن، عینی حالده احمدی جنابلری اوشبو عملیات ایساف وافغان کوچلری تمانیدن یولگه قویلگنینی ایتیب ، تورت عصیانچینی هم قربان بولگنینی معلوم قیلدی.

اما منطقه یشاوچیلری توقنه شو جریانیده عملیات یولگه قویلگن گرشک ولسوال لگینی یخچال منطقه سی هوای هجوم بیلن نشانگه توتیلیب نتیجه ده ایگرمه دن آرتیق عادی اهالینی هلاک بولگنینی ادعا قیلگن .

اما محلی رسمیلر منطقه یشاوچیلر تمانیدن ایلگری سوریلگن ادعالرنی رد ایتیب حادثه نی تیکشریش اوچون منطقه ده بیرگروه هیت نینگ یوباریلگنینی اورغوله ماقده.

باشقه تماندن ایسه طالبلر قوراللی لری مطبوعات فعاللری بیلن بولگن تیلفونی صحبتیده طالبلرگه هیچ قندی تلفات ایتمی عکسینچه کوپلب خارجی کوچلرنینگ یوزبیرگن توقنه شوده هلاک بولگنینی ادعا قیلگن.

اوتگن بیرنیچه ییلدن بیری خارجی کوچلرتمانیدن یولگه قویلیب کیله یاتگن حربی عملیاتلر وهوای هجوملرده کوپلب عادی اهالی نینگ قربان بولگنی قتیغ تنقیدلر بیلن بیرگه بولیب کیلماقده.

افغانستان جمهورریسی حامدکرزی هم بیرنیچه مرته کیسکین بیاناتی بیلن افغانستانده فعالیت آلیب باره یاتگن خارجی کوچلرنینگ عادی اهالی تلفاتینی الدینی الیش اوچون جدی اعتبار قره تیشلرینی اورغولب کیلگن.

هرچند ناتوکوچلری نینگ عمومی قوماندانی جنرال ستانلی مک کرستال شوندی تنقیدلرگه دوچ کیلشی بیلن عادی اهالی تلفاتینی الدینی الیش اوچون جدی هادیملرنی کوتاریلیشینی تاکیدلب کیلگن .

اما شوندی بولشگه قره مسدن حاضرهم یولگه قویلیب کیلگن هوای هجوملرده انده سنده عادی اهالی قربان بولیب کیلماقده.

عینی حالده ناتوکوچلری نینگ عمومی قوماندانی ستانلی مک کرستال افغانستان نینگ تورلی ولایت لریدن کیلگن قوم باشلیغلری اشتراکی بیلن بیریغین اوتکزیب حربی عملیات لرده اهالی تلفاتینی آلدینی الیش اوچون جدی اعتبار قره تیلشینی قوم باشلیغ لریگه سوزبیردی.