قرغیزستانده فوق العاده حالت اعلان قیلندی

بیشکیک
Image caption قرغیزستان ه گی ناراضی لیک نمایش لریده کمیده تورت کیشی هلاک بولگن.

قرغیزستان باش وزیری دانیار حسینوف مملکت بویلب فوق العاده حالت اعلان قیلگن .خبرلرگه کوره ، بیشکیک ده گی نمایشلرچاغیده کمیده تورت کیشی هلاک بولگن، کوپلب آدم لر یاره لنگن .

بیشکیک ده گی فرانس-پرس آژانسی ماتیو سیگال اوز کورگنلرنی منه بوندی تصویرلیدی.

"سیزایشته یاتگننینگیزدیک ، بو حلی انیق ایمس، یو ایچکی ایشلری قوشینلری یا ده قوراللرنی اوز قولیگه کیرتگن مخالفتچی لر آسمانگه قره ب اوق اتماقده.مین اطرافیده بیر نیجه موترلرنی کوریپمن، نمایشچی لر بیر نیچه پلیس موترلرینی آغده ریب ، اولرگه اوت قویشگن،اولر کوزم نینگ آلدیده یانماقده لر ، مین حاضر آق رنگلی پلیس موترینی یریم آغده رلگن حالده یانیب یاتگنی و اوندن قاره توتون چیقه یاتگنیگه گواه بولیبمن.مخالفتچی لر شهر مرکزیگه مارش قیله یاتگنی کورنهدی.بعضی نمایشچیلر نینگ ایتیشلریچه ،اولر جمهور رئیس سرایگه یول آلیشگن و جمهور رئیس باکیوف نینگ استعفا سینی طلب قیلیشماقچی.مخالفت رهبرلرسیز قالگن کورینه دی ،"دیدی فرانس-پرس مخبری.

"کوچ قوللهمنگ"

امریکا، روسیه، و بیرلشگن مللت لر تامانلری کوچ ایشلهتیشدن تیلیشگه چقیرگن.

بیرلشگن مللت لر تشکیلاتی باش کاتبی پان کی مون مذاکره لرنی باشلش حقیده آگاه لنتیرگن.جمهور رئیس باکیوف حاضرگه قدر واقعه لر یوزه سیدن هیچ قندی بیانات بیرمهگن.

Image caption ناراض نمایشچی لر پلیس کوچلری بیلن توقنه شگن.

قرغیز پارلمان نینگ انسان حقلری بویچه وکیلی تورسون بیک اکونینگ بی بی سی گه ایتیشچه ، او حکومت اویگه کیریشگه موافق بولگن و بنا ایچکره سیده مجلس اوتکزه یاتگن کوچ تزیم لری رهبرلری، جمله دن ، جمهور رئیس نینگ اوکه سی جانبیش باکیوف بیلن ملاقات آلیب باریشگه اورینگن.

اما تورسون بیک اکونینگ ایتیشچه ، اونی بنا دن کوچ بیلن چیقاریشگن.

او برچه مخالفت رهبرلری حبسگه آلینگنی و نمایشچی لرنی باشقره دیگن ایتکجی لر یوقلیگینی ایتگن .

سه شنبه کونی تلاس ده گی زوروانلیک لر آرتیدن ناراضی لیکلر پایتخت بیشکیک و قرغیزستان نینگ باشقه منطقه لریگه یایلگن.

مخالفت منبع لرنینگ بیلدریشچه، مملکت جنوبیده گی نارین شهریده 5 مینگگه یقین نمایشچیلر محلی حاکمیت بنا سینی باسیب آلگن و حاکم بیلن قدرتنی تابشریش یوزه سیدن مذاکره لر آلیب بارماقده.

گواه لرگه کوره، بیشکیک ده یوزلب یاش ییکیت لر پلیس خادم لرینی کلتکلشگن و موترلرنی یاقیب یوبارشگنلر.

نمایشچی لر گاز و برق قوتی نرخ لرنینگ آشیرلیشی و مخالفت رهبرلر نینگ حبس گه آلنیشیگه قرشی ناراضی لیک بیلدریشماقده.

اولر جمهور رئیس قورمان بیک باکیوف نینگ استعفا سینی طلب قیلشگن.

قرغیزستان باش وزیری دانیارحسینوف نمایشچیلرنی "باندیتلر" ، دیب ایتگن.

او تلاس ده گی زوروانلیک لر چاغیده 80 دن آرتیق پلیس خادملرنینگ یاره لنگنینی معلوم قیلگن.

"اولر قندی قیلیب مخالفت بوله دی ؟ اولر باندیتلر ، خلاص "، دیب ایتگن باش وزیر.

بیشکیک ده گی امریکا ایلچی خانه سی قرغیزستان ده گی وضعیت دن خواطرده ایکنینی ایتگن.

روسیه قرغیز حکومتنی نمایشچی لرگه قره ته کوچ ایشلتمسلیککه چقیرگن.

انترفاکس خبر آژانسی روسیه تشقی ایشلر وزیری نینگ اورین باسری گیریگوری کاراس نینگ "برچه کیلشموچیلیک قرغیرستانده گی موجود دیموکراتیک قاعده لر دایره سیده ایچلیشی کیرک"دیگن سوزلریدن اقتباس کیلتیرهدی .

قزاقستانده بولگن بیرلشگن مللتلر تشکیلاتی باش کاتبی پان کی مون برچه تامان لرنی باسیق لیک و مذاکره لر آلیب باریشگه چقیرگن.

حبس گه آلیشلر

Image caption فوق العاده حالت تلاس، نارین، بیشکیک شهر لریده اعلان قیلنگن.

تونده کمیده ایککی ، ایرم خبرلرگه کوره ،اون نفر مخالفت رهبرلری حبسگه آلینگن.

قرغیز مخصوص کوچلری مخالفت رهبری و جمهور رئیس لیککه سابق نامزد المزلبک اتمبایوف نینگ اوینی ظبط ایتگن.

باشقه بیر مخالفت رهبری تیمر ساریوف ایسه چهارشنبه کونی ایرتهلب مسکودن اوچیب کیلگن پیت بیشکیک هوا قونلاغه سیده حبس گه آلینگن.

اوش ولایتی نینگ سابق حاکمی و 2005 ییلی ده گی "لاله انقلابی" ایتکچیلریدن انور اتیق وف نینگ هم حبسگه آلنگنی ایتلماقده.بیرنیچه ژورنالیست هجومگه اوچره گن.

مخالفت چهارشنبه کونیگی ریجه لنگن ییرک نمایشلرنی اوتکزیشنی بیلدرگن.خبرلرگه کوره، سه شنبه کونی زوروانلیکلرگه صحنه بولگن تلاس منطقه سیده حاکمیت مخالفت طرفدارلری قولیده قالماقده.ترتیب سیزلیکلر سونگی آیلرده مخالفت و حکومت اورته سیده گی کیسکین لیک نینگ کوچیشی منظره سیده یوز بیرماقده.

آخرگی هفته لرده حکومت مستقل مطبوعاتگه هجوملرنی کوچیترگن، بیرنیچه انترنت نشریه لر یاپیب قویلگندی.

جمهور رئیس باکیوف نینگ حکومتده یوقاری لوازمگه تعین لنگن اوغلی مکسیم باکیوف نینگ رولی باره سیده هم ناراضی لیک لر کوچیگن.

جمهور رئیس باکیوف بوندن بیش ییل مقدم یوز بیرگن عاموی نمایش لر نتیجه سیده حاکمیتگه کیلگن ایدی.

او اداری فساد گه قرشی کورش و دیموکراتیک اصلاحاتلر اوتکزیشگه وعده بیرگن.

اما تنقید چی لر باشقروی اونینگ آستیده، قرغیزستانده یککه حاکملیک توزومی قرار تاپگنینی ایتشهدی.