حکمتیار:خارجیلرگه قرشی هجوم کوپیهدی

گلبدین حکمتیار
Image caption گلبدین حکمتیار تینچ لیک مذاکره لرنینگ ایککینچی باسقیچی آلیب بارلیشی اوچون اوز فکر و ملاحظه لرینی بیلدریشی کوتلماقده.

گلبدين حكمتياررهبريت آستيده گي حزب اسلامي گروهي تمانيدن ترقه تيلگن ، بياناتده کیلیشچه ،اگرده امريكا،حزب اسلامي و افغانستان دولتي آره سيده تکلیف قیلنگن صلح مذاكره لری گه توسيق ليک قيلیشسه ، اولر خارجي حربي لرگه قرشي هجوم لرني کوپیتیره دی دیب آگاه لنتیرلگن.

بوندن بيرهفته مقدم حزب اسلامي گروهي تمانيدن جونه تيلگن بيرگروه هيات پايتخت كابلگه كيليب افغانستان دولت ملازم لری ،ايرم سياسي حزب لر، سابق جهادی رهبرلر و خلق آرا هم جمعیت دولتلری وکیللری بیلن تینچ لیک ناميده گي مذاكره لر آستیده تورلی موضوع لرنی محاکمه قیلگندی لر.

حزب اسلامي گروهي نينگ اساسي شرط لريدن بيري خارجليك كوچلري افغانستان دن چيقيب كيتشلري اوچون معلوم بيرزمان ني تعين ایتلیشی بولگن .

حزب اسلامي گروهي ايسه ،بو بيانات امريكا دولتي افغانستان مخالف كوچلري بيلن مذاكره آليب باريش وقتي ايمس ديگن مساله گه نسبتا کورسه تیلگن قرشي ليكکه جواب دیر.

حزب اسلامي گروهي نينگ اروپا ده گي اعضالردن بولگن قريب الرحمن سعيد ، بي بي سي بيلن قيلگن صحبتده ،امريكا ليك لرنظریده تینچ لیک باره سیده مذاکره لرنی آلیب باریش ،دولت مخالف كوچلري کیلیب ضعیف بیر نقطه اوستیده محاکمه قیلیشی ممکن دیب تصور قیلیشلری ممکن دیب ایتگن .

شونينگدیک سعيد جنابلريگه كوره ، حزب اسلامي گروه تمانيدن يوبارلگن هيات كابلده بولگن بيتي ، امريكا نينگ افغانستان ده گي ايلچي خانه سی هیات بلن اوچره شیش ني تكليف قيلگن ،بیراق ، امريكا مدافعه وزيري حاضر مذاكرلرنی آليب باريش وقتي ايمس ديگن فکردن سونگ،ایلچیخانه حزب اسلامي گروهي هیاتی بیلن اوچره شیشدن وازکیچگن.

شونينگ ديك سعيدي جنابلري ، حزب اسلامي گروهي تمانيدن يوبارلگن هيات ، افغانستان ده گي ايرم گروهلر و حزب باشليغ لري بيلن اوچرش گن بيتي اولربيلن، خارج ليك كوچلر مملكت دن چيقيب كيتش لري افغانستان ليك لرني منفعتي گه ايكن ديگن خلاصه كيلگن لریني معلوم قيلگن.

سعيدي جنابلري ،مذكور مذاكره لرنتيجه سی، افغانستان دولتي و پارلمان ملازم لرنینگ فکر ملاحظه لری هیات تامانیدن توپلنیب ، حزب اسلامي گروهي نينگ رهبري گلبدين حكمتيارگه جونت لگنینی معلوم قیلگن.

اونگه کوره گلبدين حكمتيار جنابلري هیات تامانیدن آلیب کیلنگن معلومات لر اساسیده اوز فکر ملاحظه لرینی اظهار ايتگن دن سونگ،مذاكره لرنينگ ايكکینچي باسقيچي باشلنه دی .