ایتالیالیکلر "سوی قصد اویشتیریش فتنه سی" عیبی بیلن حبسگه آلیندی

گلاب منگل
Image caption والی گلاب منگل نینگ ایئتیشیچه ، حبسگه آلینگن ایتالیالیکلردن بیری ریجه نی عملگه آسیریش اوچو ن 500000 دالر قولگه کیریتگن ایکن

افغانستان رسمیلرینینگ خبر قیلیشیچه ، هلمند ولایتی حاکمی (گلاب منگل) جانیگه سوی قصد اویشتیریش فتنه سی عیبی بیلن حبسگه آلینگن ایتالیا لیک تیز یادم کسلخانه نینگ 9 نفر خادمی آره سیده 3 نفر ایتالیا لیکلر هم بار .حادثه بوییچه کسلخانه ننیگ 6 نفر افغانستانلیک محلی خادمی هم حبسگه آلینگن

اوشبو خادم لر ایشله یاتکن تیز یاردم کسلخانه هلمند ولایتی مرکزی لشکر گاه شهریده فعالیت آلیب باره دی. رسمی لر یننگ ایئتیشیچه ،انتحاری نیمچه یا جلیقه لر ، قول بامبلری و باشقه قوراللر و پارتلاوچی ماده لر اوشبو تیزیاردم کسلخانه انباریدن تاپیلگن. اوشندن کیین افغانستان پلیسی اوشبو خادم لرنی حبسگه آلگن

هلمند والی سی گلاب منگل نینگ ائیتیشیچه ، اوشبو پارتلاوچی ماده لرو قوراللر ف "چیت ایللیک خادملر" یاردمی بیلن کسلخانه گه کیلتیریلگن .

رسمیلرگه کوره ، حبسگه آلینگنلر ، هلمند حاکمی جانیگه سوی قصد اویشتیریش فتنه سینی ریجه لشتیرگن ایدیلر . لیکن اشبو تیزیاردم کسلخانه نی یوریته یاتکن یاردم تشکیلات رسمیلری ، خادئملری نینگ عیبسیز ایکنلیگیگه ایشانچلری کامل ایکنلیگینی تاکید له گن

تشکیلات رهبری سیسیلی استرادا بی بی سی اوزبیک خذمتی بیلن بولگن صحبتیده ، خادملری افغانستانده حبسگه آلینیشی حقیده افغاستان دولتی تمانیدن هیچ قنده ی خبر و یا ایضاحلهمه آلمهگن لیکلری و اوز خادملری بیلن علاقه قوریشگه موفق بولالمه گن لیگیدن شکایت قیلگن.

خانم استرادا نینگ ایئتیشیچه ، "دولت ادعا لری برچه سی جوده کولگیلی . چونکی اوئیلب کورینگ ، اوچ نفر خادیمیمیز ، بیریسی جراح ،15 ییلدن بیری بیز بیلن ایشلب کیلگن. بیر همشیره، بیز بیلن 10 ییلدن بیری ایشلب کیلگن و یینه جو

ده یاش بولگن لوجیستیکچی خادیمیز . بو لر ، قنده ی قیلیب اوز ایشلری نی ، اوز حیاتلرینی و عایله لرینی و ایرکین لیکلرینی خوف آستیگه قوییب بو ایشگه اره لشلری ممکن. اولر شونچه پیتدن بیری انسان پرورلیک خذمتلر کورسه تیب کیلگن لر" دیدی خانم استرادا

" طالبان بیلن رابطه "

هلمند حاکمی گلاب منگل اوتکزگن مطبوعات ییغینیده ،" تیزیاردم کسلخانه سیگه چیت ایللیک خادم لر یاردمی بیلن آلیب کیلینگن پارتلاوچی ماده لر بیلن ، لشکرگاه شهریگه انتحاری هجوم اویشتیریش و کیینچه لیک کسلخانه گه یره لنگنلرنی یقیندن کوریش اوچون کیلماقچی بولگن حاکمنی اولدیریش ریجه لنگن " دیب ایئتگن.

اونینگ ایئیتشیچه ، "اوشبو ریجه نی عملگه آشیریش اوچون ، چیت الیک خادملردن بیریسی 500000 دالر قولگه کیریتگن". عینی دمده هلمند حاکمی ننیگ سوزچی سی داوود احمدی بی بی سی بیلن صحبتیده ، چیت ایللیک خادملر نینگ طالبلر ملا عمر رهبرلیگی ده بولگن کویته کینگشی بیلن رابطه سی بارلیگینی ادعا قیلیشگن.

لیکن تشکیلات رهبری سیسیلی استرادا ، اوشبو ادعا لر نینگ برچه سی نی اورینسیز و کولگیلی دیب بهاله گن . اونگه کوره ، بو ادعا لر ارتیده سیاسی غایه لر تورگن. "بیز مشترک عمل حربی عملیاتی جریانیده ف افغانستان دولتی و خ لق ارا کوچلر تمانیدن اویشتیریلگن انسانی تلفاتلر ، و ایریم کونگیل سیز واقعه لر نی یاریتدیک وبندن باشقه هم عادتده ، رسمیلرگه یاقمیدیگن معلوماتلرنی بیز فاش ایته میز ، بوند هی عیبلاولرنی بیزگه قوییش ارتیده شونده ی سیاسی بیر عامل تورگن بولیشی ممکن" دیب ایئتگن ایتالیا لیک تشکیلات رهبری سیسیلی استرادا.

اسوشیتید پریس خبر آژانسی نینگ معلوم قیلیشیچه ، تیزیاردم کسلخانه سیگه اویشتیریلگن تیرگاو هجومیدن آلینگن ویدیو ده کورسه تیشیچه ، بریتانیا لیک کوچلر هم اوشبو عملیاتده افغانستان لیک پلیسلر نی همکارلیک قیلگن . ویدیو تصویرده کورسه تیشیچه ، اوچ نفر چیت ایللیکلر تشقریده کی کرسیده اوتیرگن بولیب ، کیملیک حجتلری بویینلریگه اسیلگن لیکن ناملری کورسه تیلمیدی.

کابلده کی ناتو کوچلری نینگ سوزچی سی ایسه ، اولر نینگ کوچلری اوشبو عملیاتده شرکت ایتمه گن لیگینی تاکید له گن.

ایتالیا تشقی ایشلر وزیری فرانکو فراتینی: " بیز نینگ حکومتیمیز ، اشوبو خادملر نینگ حبسگه آلینیشی حقیده کوپراق تفصیلات معلوم بولیشینی و اولر نینگ حبسگه آلینیشیگه دائر دلیللر ایضاحله نیشینی کوته یاتکن ایکن ، عینی حالده ، "تروریزم بیلن هر قنده ی بی واسطه و بالواسطه رابطه گه" قرشی دیر" دیب ایئتگن.

افغانستان ایچکی ایشلر وزیرلیگی نینگ سوزچی سی زمری بشری ایسه ، اوشبو ادعالر خصوصیده جدی تیشکرولر باشله تیلگن لیگنی معلوم قیلگن. او بو خصوصده کی تحقیقات نتیجهلری ننیگ زودلیک بیلن ترقه تیلیشینی علان قیلیب .لیکن حبسگه الینگن خادملرنینگ احوالی و قه ییرده ایکن لیگی باره سیده معلومات بیرمه گن.